Zu hemen zaude: Hasiera Albisteak Sopelako Udala redALDEra gehitu den lehenengo udala izan da instituzio kolaboratzaile gisa

Sopelako Udala redALDEra gehitu den lehenengo udala izan da instituzio kolaboratzaile gisa

Sopela eta Bizkaiko emakumeen artean aukerak sortzeko helburuarekin, Sopelako Udala eta redAlde plataforma (euren garapen profesionala bilatzen duten emakume ekintzaileentzako edota emakume ekintzaileak izan nahi direnentzako Aktibazio sare sozio-laborala) maiatzean bildu ziren sarearen atxikimendua gauzatzeko. Izan ere, Sopelako Udala redALDEra gehitu den lehenengo udala izan da instituzio kolaboratzaile gisa.

Bilera honi esker “Sopela eta Bizkaiko emakumeen artean eta haien aldeko aukerak sortzen” izeneko emakume sopeloztarren topaketa sortu zen, hain zuzen ere. Maiatzaren 18an ospatutako jardunaldiari Gontzal Hermosilla alkateak eta Teresa Fernández Enplegu eta Ekonomia Sustapen zinegotziak eman zioten hasiera, Naiara Ibarzabal Gizarte ekintza eta Berdintasun zinegotziarekin eta Estibaliz Anitua Mankomunitateko Berdintasun teknikariarekin batera. Ekitaldian egoera desberdinetan dauden 20 emakume sopeloztarrek hartu zuten parte: langabezian, ekintzailetzara bideratutakoak, lanean daudenak baina lankidetzara bideratutakoak, eta abar.

Lehenik eta behin, redALDE ezagutzera eman zen, ondoren lan dinamika bat garatu zen (work café), non parte-hartzaileek beraien interesak, itxaropenak, oztopoak eta erronkak ezagutarazi zituzten. Azkenik, emakumeek erabiltzaile aktibo moduan izena eman zuten plataforman.

Jardunaldiak ekarpen anitzak jasotzeko balio izan zuen, beste batzuen artean. Ekarpen horiek, redALDEko web orrialdean daude eskuragai eta Enplegu eta Ekonomia Sustapen Sailari baliogarri izango zaizkio Sopelako emakumeen ahalduntzean oinarritutako mota desberdinetako politikak diseinatzeko orduan.

Jarraian, Gatza aldizkariak horren inguruan idatzitako erreportajea: http://www.sopelaudala.org/index.php/es/documentos/cat_view/6-orokorra-general 

 

Gizarte ekintza eta berdintasunaren azken albisteak

article thumbnailEmakumearen Astearen barruan, martxoaren 7an, Sopelako Udaleko Gizarte Ekintza, Berdintasun eta Lankidetza Sailak, Rolli it Girl Sopelaren eta Leire Garmendia Glassy dokumentalaren zuzendariaren lankidetzari esker, irristatze-kiroletan emakumeak duen egoerari buruzko Sentsibilizazio Topaketa bat antolatu zuen. Horrela, Glassy dokumentalaren proiekzioaren ondoren, solasaldi interesgarria izan...
article thumbnailAtzo, martxoaren 12an, proiekzio bat egin zen Sopelako Udaletxeko fatxada aurrekaldean, Bideo-maping formatuan, Emakumeen Nazioarteko Eguna dela eta. Irudian, egindako proiekzioetako bat ikus dezakegu. Bertan omenaldia egin zitzaien munduko emakumeei, eta benetako berdintasuna aldarrikatu zen formatu berri horren bidez. Atzoko egunean ere, Uribe Kostako Emakumeen Kontseiluak, martxoaren 11n Abanto-Zierbenan gertatu...
article thumbnail  Martxoaren 8an Emakumearen Nazioarteko Eguna ospatzen da, emakumezkoen etagizonezkoen arteko berdintasuna sustatzea eta horren aldeko borroka babestea helburu duen eguna, hain zuzen ere. Ekimenarekin bat egiteko asmoz, beste urte batez, ekintza desberdinak antolatu dira Sopelan eta Uribe Kostako zenbait herritan. Sopelako Udalak, Itzartu Emakume Elkartearekin elkarlanean, jarduera ugariz...
article thumbnailANDRAZKOENGANAKO INDARKERIAREN AURKAKO NAZIOARTEKO EGUNA” dela eta, herritar guztiei dei egiten diegu parte har dezaten ekitaldi honetan: ELKARRETARATZE-EKITALDIA: Udaletxeko plazan egingo da, azaroaren 25ean, astelehenean, 19:30etik aurrera, eta hauxe izango da EGITARAUA: Udaletxeko fatxadan mundu osoko andrazkoek jasaten duten indarkeria-egoerari buruzko argi eta musika-ikuskizun alegorikoa...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia