Zu hemen zaude: Hasiera Albisteak Sopelako Udaleko Bozeramaleen Batzordearen adierazpena emakume batek jasandako erasoa dala eta

Sopelako Udaleko Bozeramaleen Batzordearen adierazpena emakume batek jasandako erasoa dala eta

Gaur gauean, gure herrian andre batek erasoa jasan du, horren aurrean, Sopelako Udaleko Bozeramaleen Batzordeak, ahobatez, erabateko gaitzespena azaldu nahi du mota guztietako biolentzia adierazpenen aurrean, eta laguntasuna azaldu nahi dio erasoa jasan duen andreari.
 
Beraz, Sopelako Udalak, ondoko hau adieraztea onartu du:
 
1) Gaitzesteaz gain, gure haserrea erakutsi nahi dugu, gauean, gure herrian, andre batek izandako erasoagatik.
 
2) Elkartasuna eta laguntza azaldu nahi diogu erasoa jasan duen andreari eta bere inguru hurbilenari, baita eraso sexisten biktima diren emakume guztiei ere; euren esku ipintzen ditugu beharrezko baliabide psikologiko eta juridiko guztiak.
 
3) Gaitzetsi egiten ditugu emakumeak errespetatzen ez dituzten jarrera guztiak, hasi keinu eta jarrera sexistetatik eta eraso muturrenekoetara.  
 
Gertatu dena argitzeko ikerketa azkar eta zehatza egitea exijitzen dugu, eta, behar balitz, erantzukizun oro garbi azaltzea.
 
4) Sopeloztarrei dei egiten diegu ez daitezen geldi eta isilik egon, eta eraso sexisten konplizitate keinu guztiak arbuiatu ditzatela. 
 
5) Herritarrei dei egiten diegu emakumeen kontrako indarkerien aurrean gaitzespena aktiboki erakustera eta animatzen ditugu gaitzesteko eta arbuiatzeko datozen egunetan egingo diren manifestazioetan parte hartzera.
 
BIHAR, IGANDEA, EGUERDIKO 12:00ETAN, 15 MINUTUKO ELKARRETARATZEA EGINGO DA, UDALETXE AURREAN ERASOA GAITZESTEKO. 

Gizarte ekintza eta berdintasunaren azken albisteak

article thumbnailEmakumearen Astearen barruan, martxoaren 7an, Sopelako Udaleko Gizarte Ekintza, Berdintasun eta Lankidetza Sailak, Rolli it Girl Sopelaren eta Leire Garmendia Glassy dokumentalaren zuzendariaren lankidetzari esker, irristatze-kiroletan emakumeak duen egoerari buruzko Sentsibilizazio Topaketa bat antolatu zuen. Horrela, Glassy dokumentalaren proiekzioaren ondoren, solasaldi interesgarria izan...
article thumbnailAtzo, martxoaren 12an, proiekzio bat egin zen Sopelako Udaletxeko fatxada aurrekaldean, Bideo-maping formatuan, Emakumeen Nazioarteko Eguna dela eta. Irudian, egindako proiekzioetako bat ikus dezakegu. Bertan omenaldia egin zitzaien munduko emakumeei, eta benetako berdintasuna aldarrikatu zen formatu berri horren bidez. Atzoko egunean ere, Uribe Kostako Emakumeen Kontseiluak, martxoaren 11n Abanto-Zierbenan gertatu...
article thumbnail  Martxoaren 8an Emakumearen Nazioarteko Eguna ospatzen da, emakumezkoen etagizonezkoen arteko berdintasuna sustatzea eta horren aldeko borroka babestea helburu duen eguna, hain zuzen ere. Ekimenarekin bat egiteko asmoz, beste urte batez, ekintza desberdinak antolatu dira Sopelan eta Uribe Kostako zenbait herritan. Sopelako Udalak, Itzartu Emakume Elkartearekin elkarlanean, jarduera ugariz...
article thumbnailANDRAZKOENGANAKO INDARKERIAREN AURKAKO NAZIOARTEKO EGUNA” dela eta, herritar guztiei dei egiten diegu parte har dezaten ekitaldi honetan: ELKARRETARATZE-EKITALDIA: Udaletxeko plazan egingo da, azaroaren 25ean, astelehenean, 19:30etik aurrera, eta hauxe izango da EGITARAUA: Udaletxeko fatxadan mundu osoko andrazkoek jasaten duten indarkeria-egoerari buruzko argi eta musika-ikuskizun alegorikoa...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia