Zu hemen zaude: Hasiera Albisteak Sopelako Udalak 200 bizilagun baino gehiagori doako prestakuntza eskainiko die uztailean zehar

Sopelako Udalak 200 bizilagun baino gehiagori doako prestakuntza eskainiko die uztailean zehar

 

  • 30 orduko iraupena duten hamar prestakuntza-ekintzatan banatuta dagoen 300 orduko programa honetan, langabezian dauden, euren enplegua hobetu nahi duten edota proiektu bat hasi nahi duten 200 pertsona inguru prestatuko dira.

 

  • Prestakuntzan parte hartu nahi duten pertsonek ekainaren 12 eta 26 artean eman beharko dute izena, udalean bertan edota udalaren web orriaren bitartez www.sopela.eus

Sopelako Udalak, Enplegu eta Ekonomia Sustapenerako sailaren bitartez, udalerrian enplegagarritasuna eta ekintzailetza hobetzeko prestakuntza sustatzea helburu duen “Enplegurako eta ekintzailetzarako prestakuntza‑ekintzen programa integrala” ekimena jarriko du martxan uztailean.

30 orduko iraupena duten hamar prestakuntza‑ekintzatan banatuta dagoen 300 orduko programa honetan, langabezian dauden, euren enplegua hobetu nahi duten edota proiektu bat hasi nahi duten 200 pertsona inguru prestatuko dira. Beste batzuen artean, honakoetan jardungo da: sare sozialen kudeaketa, enpresen sortzea edota kudeaketa, enpresarako eta lanbiderako marketing‑a, jendaurrean hitz egiteko teknikak edota enpresa plangintza estrategikoan.

Teresa Fernandezek, Sopelako Udaleko Enplegu eta Ekonomia zinegotziak adierazi duenez, “Magallanes Institutuak garatuko dituen ikastaro hauek herritar guztien, eta bereziki, gure herriko behartsuenen onurarako diseinatuta daude, izan ere, udalerrian enplegua sortzea, enplegagarritasuna hobetzea eta ekonomia garatu eta sustatzea, bai eta bertako herritarren bizi‑kalitatea eta ongizatea hobetzea dira udalaren politiken funtsezko ardatz eta helburu nagusiak”.

Saileko zinegotzi sozialistak, Teresa Fernandezek, gehitu duenez: “enplegu eta ekonomi sustapenerako sailetik, langabetuekin kontaktuan gaude une oro, euren eskakizunei erantzuten saiatzen gara eta esperientziak esaten digu, era honetako prestakuntza eta ikastaroek oso harrera ona izaten dutela, batez ere enplegua modu aktiboan bilatzen ari direnen artean”.

Prestakuntzan parte hartu nahi duten pertsonek ekainaren 12 eta 26 artean eman beharko dute izena, udalean bertan edota udalaren web orrialdearen bitartez: www.sopela.eus

Enplegurako eta ekintzailetzarako prestakuntza‑ekintzen programa integrala

“Enplegurako eta ekintzailetzarako prestakuntza‑ekintzen programa integrala” prestakuntza‑programak hamar prestakuntza‑ekintza ditu, eta horietako bakoitzak 30 orduko iraupena. Beraz, guztira, 300 orduko programa da, ondoko eduki hauek dituelarik:

1.- Sare sozialak eta Community Manager kudeatzeko ikastaroa

2.- Enpresak kudeatu eta sortzeko ikastaroa

3.- Enpresarako eta lanbiderako marketing‑a

4.- Jendaurrean hitz egin eta elkarrizketak prestatzeko ikastaroa

5.- Komunikazioa hobetzeko ikastaroa: estrategiak eta baliabideak

6.- Jendea atenditu eta zerbitzuaren kalitatea zaintzeko ikastaroa

7.- Adimen emozionala eta erabakiak hartzea

8.- Plangintza estrategikoa eta enpresa‑plana prestatzeko ikastaroa

9.- Finantzariak ez direnentzako oinarrizko kontabilitatearen ikastaroa

10.- Garapen pertsonal eta profesionala garatzeko coaching‑ikastaroa

Programan izena emateko orria eta deialdiaren oinarriak www.sopela.eus web orrialdean, zein  udal bulegoetan egongo dira eskuragai.

Langabeziari aurre egiteko proiektuak

Gaur egun arte, asko izan dira Udalak langabeziari aurre egiteko martxan jarritako proiektu edo ekimenak. Nabarmentzekoak dira, beste batzuen artean: Euskadi eta Uribe Kostan udal mailako lehenengo Enplegu Programa, integrazio soziolaboralaren PAIL Sopela programa, informatika eta sare sozialetan alfabetatzeko HESI programa, edota enplegu eta ekintzailetza Sopela Business Market forua.

Bere aldetik, Gontzal Hermosillak, Sopelako alkateak, nabarmendu nahi izan du, udalak aurrekontu zein kudeaketari dagokionez esfortzu handia ari dela egiten herritar guztien, eta bereziki, behartsuenen onurarako.

 

Gizarte ekintza eta berdintasunaren azken albisteak

article thumbnailMartxoaren 28an, osteguna, Euskadiko Familia Ugarien elkartea, Hirukide, Sopelako Kutzio Kultur Etxean egongo da kafe-tertulia bat egiteko. Bertan, udalerriko familia ugariekin egongo da eta bere zerbitzuak eta ekintzak aurkeztuko ditu. Honekin batera, kide ugariko familiek dituzten eskubideen gaineko informazioa helaraziko die parte hartzaileei, bai eta azken berriak ere. Parte-hartzaileen...
article thumbnailEmakumearen Nazioarteko Eguna dela eta, beste behin Sopelako Udalak, Itzartu Emakume Elkartearekin elkarlanean, ekintza ugari antolatu ditu emakumezkoen eta gizonezkoen arteko berdintasuna sustatzea helburu duen Emakumearen Astea izenekoaren barruan. Egitarauak martxoaren 4 eta 10 bitartean Kurtzio Kultur Etxean ospatuko diren adin guztiei zuzendutako ekintza ugari jasotzen ditu: hitzaldiak,...
Martxoak 8 erakunde-adierazpena
2019eko otsailaren 26a
article thumbnail  Martxoaren 8an ospatzen den Nazioarteko Emakumearen Eguna dela eta, aurreko ostiralean, otsailak 22, Sopelako Udaleko Bozeramaileen Batzordeak aho batez onartu zuen  honako adierazpen instituzionala: BIZITZAK ERDIGUNERA! Gizarteak mezu argia jaso zuen 2018an, Mugimendu feministak Martxoaren 8rako egindako emakumeen lan-etenaldi deialdiari eman zitzaion erantzunaren aurrean: kaleak bete ziren eta...
article thumbnail2018ko abuztuaren 1ean indarrean sartu zen seme-alabak dituzten familientzako diru-laguntzak arautzen dituen martxoaren 17ko 30/2015 Dekretuaren aldaketa,  kasu lagungarri kopurua handitu, eta orokorrean,  laguntzetarako sarbide sistema osoa hobetzen duena. Argitalpenaren esteka: https://www.euskadi.eus/y22-bopv/es/p43aBOPVWebWar/VerParalelo.do?cd2018004066 SARTUTAKO ALDAKETEN AZALPEN OHARRA...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia