Sopelako Udala - Uribe Kostak zaintzaileen gizarte onarpenerako kanpaina bat abiarazi du
Zu hemen zaude: Hasiera Albisteak Uribe Kostak zaintzaileen gizarte onarpenerako kanpaina bat abiarazi du

Uribe Kostak zaintzaileen gizarte onarpenerako kanpaina bat abiarazi du

Uribe Kostako Mankomunitateko Gizarte Ekintza Sailak, Sopelako Udalarekin, Bizkaiko Foru Aldundiarekin eta eskualdeko beste Udalekin elkarlanean, menpekotasuna duten senideen zaintzaile ez-profesionalak gizartean ikusgai egiteko kanpaina bat jarri du martxan. Kanpainaren helburua, menpekotasuna duen inguruko adineko pertsona bat egunero eta etengabe zaintzen duten pertsona guztiei onarpen sozial egitea da.

Egunero denbora luzez eta dedikazio handiz egiten den zaintza-lanaren aitortza; eta menpekotasuna duten pertsonen zaintzaren gaineko eta etengabeko zaintza horrek eragiten dituen ondorio fisiko, psikiko eta sozialen gaineko sentsibilizazioa.

Ekimen hau Zainduz Programaren baitan kokatzen da, menpekotasuna duten pertsonen senide zaintzaileei babesa emateko programaren baitan alegia, eta zaintza-lana egiten jarraitzeko beharrezko bide eta tresnak emanez laguntzeko hartutako konpromisoa du sorburu.

Nor Uribe Kostako Mankomunitateko herritarrak baino hoberik zaintzaile horiek ikusgai egiten laguntzeko! Horretarako herritarren laguntza eskatzen da, zaintza lanetan diharduten pertsonak identifikatzen laguntzeko.

Helburu hori lortze aldera, garrantzitsua da zaintzaileren bat ezagutuz gero, eta egiten duen lanagatik omendu behar dela uste izanez gero, hautagai gisa proposatzea. 

Hautagaitzak 2017ko maiatzaren 2a eta irailaren 4a bitartean proposatu daitezke.

Bi bide daude horretarako:

  • Utzi proposamen-inprimakia Barrika, Berango, Gorliz, Lemoiz, Plentzia, Sopela eta Urdulizeko Udaletxeetan, Kultur etxeetan, Jubilatuen etxeetan eta Kiroldegietan dauden kutxetan, edo Mankomunitateko Egoitzan aurkeztu (Gatzarriñe 4, Larrabasterra - Sopela). 
  • Bidali proposamena posta elektronikoz E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidera.

Informazio hau eskura izango da inprimakia aurkezteko puntuetan, baita zahar-etxeetan, osasun zentroetan eta kultur etxeetan ere.

Kanpainaren bidez identifikatutako pertsonei omenaldia egingo zaie azaroaren 10ean, Urdulizko Kultur Etxean.

 

Gizarte ekintza eta berdintasunaren azken albisteak

article thumbnail  Sopelako Udaleko Gizarte Ekintza Arloak, Murgibe SL enpresaren laguntza teknikoarekin, "Berdintasunerako, Genero Ikuspegirako eta Indarkeria matxistaren Prebentziorako Prestakuntza Plana" diseinatu du, Sopelako Udalak berdintasunaren alde eta indarkeria matxista desagerraraztearen alde egiten duen apustu estrategiko argi eta irmoa abiapuntutzat hartuta. Plan honen funtsezko jarduera-ildoa...
article thumbnail Surfaren praktika inklusiborako protokoloak eta metodologiak garatzen dituen ekimena da. Sopelako Udala Surf Irekia programan parte hartzen duen erakundeetako bat da. Proiektu honek mota guztietako dibertsitate funtzional, sentsorial edo intelektualetarako protokoloak eta metodologiak garatzen ditu, surfaren praktika inklusiboa sustatzeko helburuarekin.Surf Irekia aniztasun funtzionaleko elkarteekin...
article thumbnail1990eko maiatzaren 17tik, OMEk homosexualitatea gaixotasunen zerrendatik kendu zuenetik, egun hori ospatzen da, eta balio esanguratsua du lesbiana, gay, transexual, bisexual eta intersexualentzat, gaur egun LGTBI kolektiboak oraindik ere aurre egin behar dien eskubideen aldeko eta diskriminazioaren aurkako jardueren ardatz katalizatzaile gisa. COVID-19aren ondorioz bizi dugun egoera eragin...
article thumbnailEkimen honekin,  Sopelak Homofobiaren Aurkako Nazioarteko Eguna ospatuko du datorren astelehenean, maiatzaren 17an. Sopelako Udalak, "Bat Egin Berdintasunaren eta Askatasunaren Olatuarekin-Súmate a la Ola de la Libertad y la Igualdad. Homofobiarik ez. No a la homofobia” lelopean, maiatzaren 17an ospatuko den Homofobiaren aurkako Nazioarteko Egunarekin bat egingo du kanpaina berri batekin.1990eko...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia