Zu hemen zaude: Hasiera Albisteak Beldur Barik Jarrera! Lehiaketaren 7. edizioa martxan da Uribe Kostan

Beldur Barik Jarrera! Lehiaketaren 7. edizioa martxan da Uribe Kostan

banner-lehiaketa
Parte hartzaileen proiektuek, emakumeen aurkako indarkeria mota guztiak gainditzeko, eta harreman askeak, errespetuzkoak, parekideak, anitzak eta ez-sexistak eraikitzeko konpromiso pertsonal eta kolektiboa erakutsi beharko dute

Deialdian parte hartu nahi duten pertsonek www.beldurbarik.org webgunean dagoen formulario bat bete beharko dute

Lanak aukezteko epea azaroaren 9ra arte egongo da zabalik. Proiektu irabazleak azaroaren 26an emango dira ezagutzera, Urdulizen ospatuko den Beldur Barik Topaketan

Beldur Barik programak, Beldur Barik Jarrera! lehiaketaren 7. edizioa antolatu du. Lehiaketarekin emakumeek jasaten duten bereizkeria-egoerei aurre egiten dioten neska-mutilen arte-adierazpen mota oro onartu, baloratu eta bultzatzen da. Lanak errespetuan, berdintasunean, askatasunean, autonomian, erantzukizunean eta indarkeria sexistaren gaitzespen irmoan oinarritutako jokabide eta jarrerak izan behar dira.

Parte hartzen duten proiektuek Beldur Barik jarrera islatu behar dute. Emakumeen aurkako indarkeria mota guztiak gainditzeko, eta harreman askeak, errespetuzkoak, parekideak, anitzak eta ez-sexistak eraikitzeko konpromiso pertsonal eta kolektiboa erakutsi behar dute. Kalitate tekniko edo artistikoaren gainetik, mezuaren kalitatea baloratuko da, nesken ahalduntzetik gogoetak eta eztabaidak sortzeko gaitasuna, eta mutilen konpromisoa matxismoaren aurka.

Parte hartzaileak

Uribe Kostako Zerbitzu Mankomunitatea osatzen duten herrietan (Barrika, Berango, Gorliz, Lemoiz, Plentzia, Sopela y Urduliz) erroldatuta dauden 10 eta 26 urte artean neska ta mutilek parte har dezakete hiru kategoriatan:

1. kategoria: 10 – 12 urte
2. kategoria: 12 – 17 urte
3. kategoria: 18 – 26 urte

Aurkeztu daitekeen proiektu kopurua

Pertsona eta talde bakoitzeko, gehienez, 3 proiektu aurkeztu daitezke.

Nola parte hartu

Deialdi honetan parte hartu nahi duten pertsonek osorik bete beharko dute www.beldurbarik.org webgunean dagoen formularioa (lehiaketaren atalean).

Behin formularioa beteta eta plataforma bidez igorrita, mezu bat azalduko da webguneko atarian adieraziz izen ematea modu egokian egin dela. Horretaz gain, erantzun automatikoa bidaliko da erraztutako email helbidera baieztatuz lana jaso dela.

Lana jasota antolatzaileek oinarrietako baldintza guztiak betetzen direla egiaztatuko dute. Behin ziurtatuta lanak baldintza guztiak egoki betetzen dituela, antolatzaileek email bidez emango dute jakitera lana onartua izan den edo ez. Onartutako lanak Beldur Barik webgunean erakutsiko dira.

Lanak aurkezteko epeak

Lehiaketa irekitzeko eta lanak jasotzeko epea irailaren 9an hasi zen eta azaroaren 9an amaituko da.

Sariak

Sarien balioa duten opari-txekeak edo sariaren balio bereko opariak banatuko dira.

- Lehen kategoria:
1.kategoriako saria: 200 €
1.kategoriako aipamen berezia: 100 €

- Bigarren kategoria:
2.kategoriako saria: 200 €
2.kategoriako aipamen berezia: 100 €

- Hirugarren kategoria:
3. kategoriako saria: 200 €
3. kategoriako aipamen berezia: 100 €

Epaimahaia eta epaia

Antolakuntzak epaimahaia izendatuko du. Epaimahaia osatzen duten proiektu honi lotutako erakundeetako ordezkariek, eta sormenaren, kulturaren eta hezkuntzaren munduetako eta berdintasun politiken alde eta emakumeen aurkako indarkeriaren kontrako borrokan aritzen diren emakume feministek. Epaimahaiaren eginkizuna da bi kategorietan aurkeztutako lanei buruz eztabaidatzea eta proiektu irabazleak zein aipamen bereziak hautatzea. Epaimahaiaren erabakiei ezin izango zaie aurka egin.

Lan sarituak ezagutzera emango dira azaroaren 26an, Urdulizen ospatuko den Beldur Barik Topaketan.

Gizarte ekintza eta berdintasunaren azken albisteak

article thumbnail  Bi diru-laguntza horietarako eskaerak aurkezteko epea ekainaren 22an (astelehena)   hasi eta 2020ko uztailaren 6an amaituko da. Lehenbiziko laguntza , pertsona fisikoek nahiz entitate juridikoek, kirolaren esparruan 2020an egiten dituzten jarduerak finantzatzeko da. Diru-laguntza honen xedea da , funtzionamendu gastuak eta garatzen diren jarduera programen ondoriozko gastuak ordaintzen laguntzea....
article thumbnailBetirako programa Eusko Jaurlaritzako Enpleguko eta Gizarte Politiketako Sailak sustatzen du; doako zerbitzua da eta psikologiako profesionalek ematen dute arreta 900 908 744 telefonoaren eta &fAwww.betirako.org; webgunearen bidez, 400 familia baino gehiagori lagundu ahal izatea aurreikusten da Betirako Bazterketaren aurkako Funtsaren bidez garatutako hamar bat ekimenen artean dago, eta 303.000...
article thumbnail  Berdintasun Ministerioak genero-indarkeriaren aurkako kontingentzia-Plana zabaldu die sexu-esplotaziorako salerosketaren biktimei eta prostituzio-testuinguruetako emakumeei, COVID19aren krisiaren ondoriozko arreta eta babesa indartzeko.  Zabaltze honek berekin ekarri du emakumeei laguntza eta babesa eskuratzeko irizpideak bateratzeko zenbait dokumentu egitea,  hau da, ondorio...
article thumbnailKoronabirusaren krisia martxoaren erdialdean hasi aurretik, Uribe Kostako Mankomunitateko Berdintasun Sailak tailer feministen agenda bat diseinatu zuen. Tailer horiek Sopelan eskaintzekoak ziren Emakumeen Nazioarteko Eguna ospatzen den martxoaren 8ko programaren baitan, baina osasun larrialdiak jarduera hori bertan behera uztera behartu zuen. Mankomunitateak, ekimenari formatua aldatu zion eta...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia