Umeen Egun Unibertsala dela-eta, hitzaldiak kultur etxean

Uribe kostako Mankomunitateak Umeen Egun Unibertsalean parte hartzera gonbidatu ditu sopeloztarrak. Horretarako, bi hitzaldi antolatu ditu azaroaren 18rako eta 19rako, ‘Familia, hazteko gunea’ ekimenaren baitan. Ediren osasun kooperatibako profesional taldekoek hitz egingo dute eta bi hitzaldiak izango dira Kurtzio Kultur Etxean, 17:30ean:

Azaroak 18, asteazkena:
‘Gaurko familiak: nolakoa da zurea?’
Gaur egungo familia motei buruz hitz egingo da, mota denak onak dira-eta.
Hizlaria: Enrique Saracho, psikiatra, psikodramatista, psikoterapeuta eta esku-hartze komunitarioan aditua.

Azaroak 19, osteguna:
‘Seme-alaba hauek ez didate kasurik egiten: nola egin dezaket?’
Etxean lasaiago egoteko eta seme-alabak hobeto hezteko arau egokiak nola jarri partekatuko dute.
Hizlaria: Arantza Gómez, psikologoa, psikodramatista, psikoterapeuta eta esku-hartze komunitarioan aditua.