Zu hemen zaude: Hasiera ENPLEGU ETA SUSTAPEN EKONOMIKOA Sopela bere surf eta parapente enpresen eraldatze digitala indartzearen alde

cabecera empleo y promocioneconomica

Sopela bere surf eta parapente enpresen eraldatze digitala indartzearen alde

  • Aisiaren eta astialdiaren sektorearen lehiakortasuna hobetzeko programa aitzindari bat da.
  • Programan parte hartu nahi duten aisiako eta astialdiko enpresei, Bloowatch izeneko, kudeaketa espezializatuko software baten zerbitzua eskaintzen zaie, zeinak urte baten zehar bere negozioen kudeaketarako plataforma digital bat izatea ahalbidetzen dien.
  • Programak surf eta parapente eskolentzako bere negozioetako giza baliabideen kudeaketa, online egindako erreserba, bezeroen fitxategien kudeaketa eta online marketina bezalako sailetan eraldatze digitalaren inguruko aholkularitza zerbitzuak ditu.

Sopelako Udalak, Enplegu eta Sustapen Ekonomiko Sailaren bitartez, udalerriko surf eta parapente eskolen lehiakortasuna hobetzeko, sektoreko enpresen berrikuntzaren eta eraldatze digitalaren sustapenean ardaztutako, programa aitzindari bat abiarazi du. Surfak sortzen duen turismoa Sopelako garapen ekonomikorako ardatz estrategikoa da eta, parapentearen kasuan, balio erantsia ematen dio Sopelari gainerako Bizkaiko lurraldean gutxi hedatuta dagoen jolas eta kirol jarduera izanagatik.   

Ekonomia Sustatzeko Sailak programan parte hartu nahi duten  aisiako eta astialdiko enpresei, Bloowatch izeneko, kudeaketa espezializatuko software baten zerbitzua eskaintzen die, zeinak urte baten zehar bere negozioen kudeaketarako plataforma digital bat izatea ahalbidetzen dien. Sistema digital aitzindaria da Estatuan, baina Europan eta Amerikan dozenaka enpresek erabiltzen dute jada bere bezeroei ematen dizkien zerbitzuen kudeaketa eta kalitatea hobetzeko.  

Programak surf eta parapente eskolentzako bere negozioetako giza baliabideen kudeaketa, online egindako erreserba, bezeroen fitxategien kudeaketa eta online marketina bezalako sailetan eraldatze digitalaren inguruko aholkularitza zerbitzuak ditu. Programak Sopelarako “Surf eta parapente industriaren garapen jasangarrirako Jardunbide Egokien Gida” baten edizioa ere aurreikusten du.  

Teresa Fernández Enplegu eta Ekonomia Sustatzeko zinegotziak, programa hau sektore turistikoko tokiko industriak digitalizazioan sartzeko aukera bat dela deritzo, “ekonomia erabat aldatzen ari den prozesu atzeraezina, eta oraingoz, berrikuntzaren eragile nagusia da, enpresen eta lurraldearen lehiakortasuna bultzatuz eta ongizate kolektiboa hobetuz”.

Bloowatch (www.bloowatch.com), Bizkaian kokatutako enpresa, sistema liderra da surf eskola eta turismo aktiborako kudeaketa, erreserba eta komunikazioan. Eskola hauetako jardueren agendaren kudeaketa oso espezializatu eta berritzailean oinarrituz –eguraldia eta mareak bezalako parametro nagusiak sartuz ikastaroen edo alokairuen kudeaketa errazteko-, sistemak enpresa hauekin lotutako zerbitzu guztiak garatzea eta automatizatzea ahalbidetzen du.  Bloowatch, une honetan hedapenaldi bete-betean dago merkatu berriak irekiz mundu osoko herrialdeetan.

 

 

Enplegu eta Sustapen Ekonomikoaren Azken Albisteak

article thumbnailDokumentalak Kepa Acero surflari ezagunaren abenturak birsortzen ditu. Kirolari bizkaitarrak Kantauriko erlaitz osoa, Irundik Finisterrera, bere bizikleta eta taularekin zeharkatu du, kostaldeko Done Jakue Bidea (Iparraldeko Bidea) eginez. Kurtzio Kultur Etxea izan da gaur goizean “Caminando sobre las olas” dokumental sailaren aurkezpen ofizialaren eszenatokia. 13 kapituluko serie honetan Kepa...
article thumbnail Kanpainak herriko merkataritza, ostalaritza eta zerbitzu sektorean erosketak sustatzea eta sopeloztarrek Gabonetako erosketak egitean dirua aurreztea ditu helburu. Guztira 450 bonu aterako dira, bakoitza 10 eurokoa eta kontsumitzaileak azaroaren 29an hasi eta bonuak amaitzen diren arte jaso ahal izango ditu Sabino Arana 1 eta Loiola Ander Deuna 28ko HABen bulegoetan (edota Kurtzio Kultur...
article thumbnailGetxoko alkatea Amaia Agirrek eta Sopelako alkatea Josu Landaluzek jarduketa protokoloa sinatu dute udalerri bietan surfaren eta beste irristatze-kirol batzuen industriaren sektorearen garapena eta hazkundea sustatu eta bultzatzeko. Getxok eta Sopelak Bizkaiko surfaren jarduera ekonomikoaren erdia, gutxi gorabehera, hartzen dute; gainera, puntako nazioarteko ekimenak, askotariko olatuak eta...
article thumbnailSopelako Udalak azaroaren 28an, osteguna eta 29an, ostirala, Valdoviñoko (Galizia) Océano Surf Museoan ospatuko diren Surf eta Garapen Jasangarriaren I Jardunaldietan hartuko du parte. Ekimena Valdoviñoko Udalak antolatu du lurraldean sektoreko lehiakortasuna hobetzeko helburuarekin, betiere, erakundeen arteko erlazioa sortuz eta beste erkidego batzuetan (Euskadi, Kanarias, Asturias, etab)...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia