Sopelako Udala - Udako udalekuetan izena emateko epea zabalik maiatzaren 22ra arte
Zu hemen zaude: Hasiera Albisteak Udako udalekuetan izena emateko epea zabalik maiatzaren 22ra arte

Udako udalekuetan izena emateko epea zabalik maiatzaren 22ra arte

Sopelako Udalak udako udalekuetan izena emateko epea zabalik dago. Maiatzaren 22ra arte, gurasoek bere seme-alaben izenak eman ahal izango dituzte Summer Camp, Udaleku Irekiak, Surf Udalekuak eta Musikaz Blai egitasmoetan.

UDALEKU IREKIAK

Zertan datza: jolasak, tailerrak, aisialdiko jarduerak.

Nori zuzendua: Sopelan erroldaturik dauden (gutxienez 6 hilabeteko antzinatasunarekin) 4 eta 12 urte bitarteko umeak (2022ko abenduaren 31an beteak izan beharko dituzte).

Datak:

  • 1.txanda: uztailaren 1etik 14ra (uztailak 4 zerbitzu barik)
  • 2.txanda: uztailaren 15tik 29ra (uztailak 25 zerbitzu barik)
  • 3.txanda: abuztuaren 1etik 16ra (Abuztuak 15 zerbitzu barik)
  • 4.txanda: abuztuaren 17tik 31ra

Ordutegia: astelehenetik ostiralera 9:00etatik 14:00etara. Zaintza zerbitzua 8:00etatik 9:00etara eta 14:00etatik 15:00etara.

Plaza kopurua: 250

Tokia: Kurtzio Kultur Etxea

Prezioa (ume eta txandako): matrikula arrunta 85 €, bigarren neba-arreba 65 €, hirugarren neba-arreba 55 €, oinarrizko errenta jasotzen dutenek 50 €. Neba-arreben deskontu hauek udaleku mota eta txanda berdinean parte hartzen dutenean soilik aplikatuko dira.


MUSIKAZ BLAI

Zertan datza: kantua, mimika musikala, dantza eta antzerki jarduerak.

Nori zuzendua: Sopelan erroldaturik dauden (gutxienez 6 hilabeteko antzinatasunarekin) 5 eta 12 urte bitarteko umeak (2022ko abenduaren 31an beteak izan beharko dituzte).

Datak:

  • Txanda bakarra: uztailaren 1etik 15era ( uztailak 4 zerbitzu barik)


Ordutegia: astelehenetik ostiralera 9:30etatik 13:30etara.

Plaza kopurua: 60

Tokia: Musika eskola

Prezioa (ume eta txandako): matrikula arrunta 85 €, bigarren neba-arreba 65 €, hirugarren neba-arreba 55 €, oinarrizko errenta jasotzen dutenek 50 €. Neba-arreben deskontu hauek udaleku mota eta txanda berdinean parte hartzen dutenean soilik aplikatuko dira.


SURF UDALEKUAK

Zertan datza: surfa ardatz duen udalekua, gazteen artean euskararen erabilera sustatzeko helburua duena. Bestelako kirol, jolas eta surfaren inguruko jarduerak eskainiko dira.

Nori zuzendua: 12 eta 17 urte bitarteko gazteak (2022ko abenduaren 31an beteak izan beharko dituzte). Sopelan erroldatuta daudenek izango dute lehentasuna.

Datak:

  • 1.txanda: uztailaren 4etik 15era
  • 2.txanda: uztailaren 18tik 29era

Ordutegia: astelehenetik ostiralera 10:00etatik 14:00etara.

Plaza kopurua: 30 txanda bakoitzean

Tokia: Arriatera eta Barinatxe hondartzetan, surf eskolen egoitzetan

Prezioa (ume eta txandako): matrikula arrunta 85 €, bigarren neba-arreba 65 €, hirugarren neba-arreba 55 €, oinarrizko errenta jasotzen dutenek 50 €. Neba-arreben deskontu hauek udaleku mota eta txanda berdinean parte hartzen dutenean soilik aplikatuko dira. Erroldatu gabeak 150 €.

SUMMER CAMP

Zertan datza: ingelesean erabat murgiltzeko kanpamentua da, eskola zein aisialdiko ekintzen bidez.

Nori zuzendua: Sopelan erroldaturik dauden (gutxienez 6 hilabeteko antzinatasunarekin) 13 eta 15 urte bitarteko gazteak (2022ko abenduaren 31an beteak izan beharko dituzte).

Datak: uztailaren 2tik 15era Beloradon (Burgos).

Plaza kopurua: 18

Prezioa: matrikula arrunta 450 €, bigarren neba-arreba 335 €, hirugarren neba-arreba 280 €, oinarrizko errenta jasotzen dutenek 150 €. Neba-arreben deskontu hauek udaleku mota eta txanda berdinean parte hartzen dutenean soilik aplikatuko dira.

INFORMAZIO OROKORRA

IZEN-EMATEAK

Datak: apirilaren 25etik maiatzaren 22ra

Tokia: Kurtzio Kultur Etxea eta sarrerak.sopela.eus  

Kurtzio Kultur Etxeko ordutegia: astelehenetik ostiralera 9:00etatik 14:00etara eta 16:00etatik 20:00etara eta larunbata eta igandetan 11:00etatik 14:00etara eta 17:00etatik 20:00etara.

PLAZEN ESLEIPENA:

Izen-emate kopurua plaza kopurua baino handiagoa bada zozketa bidez esleituko dira plazak. Beharrezkoa izanez gero, zozketa maiatzaren 30ean egingo da 12:00etan Kurtzio Kultur Etxean.

Txanda eta udaleku mota berean izena eman duten neba-arrebak batera sartuko dira zozketan.

Plazak zozkatu behar izatekotan, eskatzaile bakoitzari gehienez txanda bat egokituko zaio udaleku mota berean.

ZERRENDAK ARGITARATZEA:

Onartutako partaideen zerrendak ekainaren 2an argitaratuko dira www.sopela.eus webgunean.

PLAZEN KONFIRMAZIOA:

Udalekuetan parte hartzen dutenek kreditu txartelarekin ordainduko dituzte plazak. Ordaintzeko epea ekainaren 6tik 15era izango da.

Esleitutako plaza bati uko egin nahi izanez gero, E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidera e-mail bat bidali beharko da ekainaren 10a baino lehen.

INFORMAZIO BATZARRAK:

Summer camp: ekainaren 20an 19:00etan

Musikaz Blai: ekainaren 20an 19:00etan

Udaleku irekiak: ekainaren 21ean
1.eta 2.txanda: 19:00etan
3.eta 4.txanda: 20:00etan

Surf udalekuak: ekainaren 22an 19:00etan

Tokia: Kurtzio Kultur Etxean.

Informazio-dossier osoa HEMEN.

Aisialdia eta Kulturazko azken albisteak

article thumbnail Badator Sopela Kosta Fest surf, musika eta natura jaialdiaren bederatzigarren edizioa 2022ko udari agur esateko, irailaren 23tik 25era.Ildo horretan, musikaren arloan, Mafalda, Kerobia, Akatz, Vulk eta Sua (irailak 23) eta Chica Sobresalto, Nativa, The Lizards, Anita Parker eta J Martina (irailak 24) taldeek osatuko dute kartelean.Surf ikastaroetarako deskontu bonuakSurfaren eta...
article thumbnailBeste urte batez, Sopelako udaletxeko inguruak eta udalerriko kaleak euskal kulturaren erakusgarri bihurtuko dira Euskal Jaia ekimenari esker. Eta eguna behar den bezala ospatzeko, Udalak adin guztiei zuzendutako ekintza ugari antolatu ditu irailaren 9tik 11ra bitartean. Euskal Jaia 1924. urtean turisten egonaldia udalerrian luzatzeko xedez sortu zen eta geroztik, garrantzi eta herri-errotze...
article thumbnailDeialdia orokor hauen helburua ebatzitako goi-mailako edo eta errendimendu handiko kirolari, teknikari eta epaileak finantzatzea da. Sopelako Udalak laguntza ekonomikoak emateko epea ireki du, goi-mailako edo errendimendu handiko kirolari izendatu dituzten Sopelako kirolari, teknikari eta epaileen jarduerak eta konpromisoak finantzatzeko.Deialdiaren zenbatekoa 10.000 eurokoa da eta eskaerak...
article thumbnailSopelako Udalak bere udal tailerrak aurkeztu ditu 2022/2023 ekitaldirako. Urtero bezala, tailer hauek diziplina anitzak jorratuko dituzte eta urriaren 1etik maiatzaren 31ra bitartean burutuko dira.Astelehenetan, 19.00etatik 21.00etara, zine usaina izango da berriz ere Kurtzio Kultur Etxean “Ikusi, Ikasi, Aztertu” zinema tailerraren eskutik. Joan den ikasturtean harrera bikaina izan zuen tailer...
Berri gehiago: Aisia eta Kultura  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia