Sopelako Udala - Sopelako Udalak aire librean egingo diren hogei kultur hitzordu baino gehiagoz osatutako udako programa antolatu du
Zu hemen zaude: Hasiera Albisteak Sopelako Udalak aire librean egingo diren hogei kultur hitzordu baino gehiagoz osatutako udako programa antolatu du

Sopelako Udalak aire librean egingo diren hogei kultur hitzordu baino gehiagoz osatutako udako programa antolatu du

 

  • “Sopela Uda Kalean” izena eman zaio programazioari, eta ekainaren 27tik abuztuaren 16ra egingo diren aire zabaleko hainbat jardueraz dago osatua: kontzertuak, antzerkia, zinema, magia, dantza, bakarrizketak, kalejirak eta haurrentzako hainbat ikuskizun eskainiko dira, guztiak osasun eta segurtasun neurrietara egokituak.
  • Hitzorduetakoren batera joateko interesa duten sopeloztarrek gonbidapenak ohiko lekuetan jaso beharko dituzte, ikuskizun bakoitzaren aurreko ostegunetik aurrera.

 

Covid-19 krisiaren ondorioz eta EUDELen gomendioei jarraituz, Sopelako Udalak udako koloniak bertan behera uztea erabaki zuen. “Normaltasun berria” iritsi eta hasierako irizpideak aldatu ondoren, Udala lanean hasi zen herritar guztiei zuzendutako udako aisialdi-jardueren eskaintza zabal bat prestatzeko.

Lan horren ondorioz, “Sopela Uda Kalean” ekimena sortu da. Udako kultur programazio honek aire zabaleko hogei jarduera baino gehiago ditu, ekainaren 27tik abuztuaren 16ra ospatuko direnak. Musika-hitzorduek, antzerkiek, zineak, magiak, dantzek, bakarrizketek, kalejirek eta haurrentzako hainbat ikuskizunek osatzen dute programazioa, guztiak Covid-19ari aurre egiteko osasun eta segurtasun neurri zein gomendioei egokituak. Alde horretatik, nahitaezkoa izango da maskara erabiltzea eta gutxienez ere 1,5 metroko tartea uztea pertsonen artean. Besaulkia aurrez esleituta egongo da, segurtasun-distantzia mantenduz. Bizikidetza-unitate bereko kideak elkarrekin eseri ahal izango dira. (*Antolatzaileek ezarritako segurtasun arauak ez betetzeak, jardueretan parte hartzeko debekua ekar dezake.)

Programako hitzorduetakoren batera joateko interesa duten sopeloztarrek dagokien gonbidapena jaso beharko dute ikuskizun bakoitzaren aurreko ostegunetik aurrera. Pertsona bakoitzeko 5 gonbidapen eskura daitezke. Edukiera bete ezean, gonbidapenak eskuratu ahal izango dira ikuskizunaren lekuan, hasi baino ordubete lehenagotik.Euria egiten badu, jarduerak Zipiriñeko patiora eramango dira.

 

 

PROGRAMAZIOA, SOPELA UDA KALEAN: EKAINAREN 27TIK ABUZTUAREN 16RA

 

EKAINAK 27

11:00 Barinatxe txistu taldearen kalejira

12:00 Sopelako joaldunen kalejira  

13:00 Jai Batzordearen eta COVID-19ren ondorioz hildako sopeloztar guztien omenezko aurreskua  eta lore eskaintza udaletxeko berdegunean

13:15 Bertso saioa udaletxeko berdegunean

-        Amets Arzallus

-        Uxue Alberdi

-        Unai Iturriaga

-        Paule Loizaga

-        Gai jartzailea: Arrate Illaro

20:00 “Pulgas” antzezlana Kurtzio Kultur Etxean Pez Limbo konpainiaren eskutik

EKAINAK 28

12:30 “Panoli Kabareta” umeentzako kale ikuskizuna Udaletxeko berdegunean, Ganso & Cia konpainiaren eskutik

20:00 Freshcool Dantza ikuskizuna udaletxeko berdegunean Tio Teronen Semeak konpainiaren eskutik

EKAINAK 29

19:00 Boleroak udaletxeko berdegunean “Trío Veracruz” taldearen eskutik

UZTAILAK 3

22:00 Umeentzako zinema aire zabalean “mr. Link jatorri galdua” filmarekin udaletxeko berdegunean

UZTAILAK 4

18:00 Familia guztiarentzako magia ikuskizuna Imanol Ituño eta Tor magoaren eskutik udaletxeko berdegunean

UZTAILAK 14-15

E-SPORTS ONLINE TXAPELKETA

*13 urtetik aurrera

Jokuak:

FIFA 2020 (Binaka/) – LEAGUE OF LEGENDS (5 pertsonatako taldeak)

Izena emateko epea: Ekainaren 30etik uztailaren 10era

Informazioa eta izen-emateak: E-mail hau spam roboten kontra babestuta dago. JavaScript aktibatuta izatea behar duzu hau ikusteko.

UZTAILAK 16

19:00 “Mulier” dantza ikuskizuna Maduixa konpainiaren eskutik Urgitxieta plazan

UZTAILAK 17

21:30 Bakarrizketa gaua Oscar Terol eta Gorka Aguinalderekin Urgitxieta plazan

UZTAILAK 18

 22:00 Umeentzako zinema aire zabalean “Pikatxu detektibea” filmarekin Urgitxieta plazan

UZTAILAK 24

18:00 “Só.” zirko ikuskizun familiarra udaletxe plazan Xampatito Pato konpainiaren eskutik

UZTAILAK 25

22:00 Familia guztiarentzako zinema aire zabalean “Los Goonies” filmarekin Udaletxe plazan

UZTAILAK 31

21:00 “AMAK” taldearen kontzertua Urgitxieta Plazan

ABUZTUAK 1

22:00 Zinema aire zabalean “Bohemian Rapsody” filmarekin Urgitxieta plazan

ABUZTUAK 7

22:00 Umeentzako zinema aire zabalean “Play mobil. Filma” filmarekin Udaletxeko plazan

ABUZTUAK 8

21:00 The Beatles taldearen Musika akustikoa “The nowhere plan” banda tributuaren eskutik Udaletxeko plazan

ABUZTUAK 14

 22:00 Familia guztiarentzako zinema aire zabalean “Campeones” filmarekin Urgitxieta plazan/

ABUZTUAK 15

18:00 “Ingurumena zaindu” ikuskizuna Patxin eta Potxinen eskutik Urgitxieta Plaza 

ABUZTUAK 16

19:00 “Golden Apple Quartet” taldearen kontzertua Urgitxieta plazan

 

Aisialdia eta Kulturazko azken albisteak

article thumbnail Badator Sopela Kosta Fest surf, musika eta natura jaialdiaren bederatzigarren edizioa 2022ko udari agur esateko, irailaren 23tik 25era.Ildo horretan, musikaren arloan, Mafalda, Kerobia, Akatz, Vulk eta Sua (irailak 23) eta Chica Sobresalto, Nativa, The Lizards, Anita Parker eta J Martina (irailak 24) taldeek osatuko dute kartelean.Surf ikastaroetarako deskontu bonuakSurfaren eta...
article thumbnailBeste urte batez, Sopelako udaletxeko inguruak eta udalerriko kaleak euskal kulturaren erakusgarri bihurtuko dira Euskal Jaia ekimenari esker. Eta eguna behar den bezala ospatzeko, Udalak adin guztiei zuzendutako ekintza ugari antolatu ditu irailaren 9tik 11ra bitartean. Euskal Jaia 1924. urtean turisten egonaldia udalerrian luzatzeko xedez sortu zen eta geroztik, garrantzi eta herri-errotze...
article thumbnailDeialdia orokor hauen helburua ebatzitako goi-mailako edo eta errendimendu handiko kirolari, teknikari eta epaileak finantzatzea da. Sopelako Udalak laguntza ekonomikoak emateko epea ireki du, goi-mailako edo errendimendu handiko kirolari izendatu dituzten Sopelako kirolari, teknikari eta epaileen jarduerak eta konpromisoak finantzatzeko.Deialdiaren zenbatekoa 10.000 eurokoa da eta eskaerak...
article thumbnailSopelako Udalak bere udal tailerrak aurkeztu ditu 2022/2023 ekitaldirako. Urtero bezala, tailer hauek diziplina anitzak jorratuko dituzte eta urriaren 1etik maiatzaren 31ra bitartean burutuko dira.Astelehenetan, 19.00etatik 21.00etara, zine usaina izango da berriz ere Kurtzio Kultur Etxean “Ikusi, Ikasi, Aztertu” zinema tailerraren eskutik. Joan den ikasturtean harrera bikaina izan zuen tailer...
Berri gehiago: Aisia eta Kultura  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia