Zu hemen zaude: Hasiera Albisteak Hainbat kultur ikuskizun euskaraz hurrengo egunetan Kurtzion

Hainbat kultur ikuskizun euskaraz hurrengo egunetan Kurtzion

Euskararen Nazioarteko Egunaren barruan (abenduak 3) eta sopeloztarren artean euskararen inguruko ekintza kulturalak sustatzeko helburuarekin, Sopelako Udalak musika, antzerki, dantza eta zine jarduera antolatu ditu hurrengo egunetarako. Ekintza guztiak Kurtzio kultur etxean izango dira, sarreren prezioa 8 eurokoa izango da eta euskaraz egingo dira.

Ostiral honetan, azaroak 30, “Ur berri urte berri” ikuskizun musikala ospatuko da, 20:00etan, Hasier Oleaga, Amaiur Cajaraville, Xabier Zeberio, Julen Izarra eta Bixente Martinez musikarien eta Natxo de Felipe, Mikel Urdangarin, Maddi Oihenart, Maite Larburu eta Izaro abeslarien eskutik. Gabon kantu sorta berezi bat ezaguterazteko asmoarekin jaiotako lan berria eta erakargarria da hau, oso ezagunak ez diren kantu interesgarri eta ederrez osaturikoa. Saio paregabea, Sopelan eta Donostian ikusteko aukera egongo da soilik abeslari guztiak taula gainean daudela.

Larunbaterako, abenduak 1,Aukeran Dantza Konpainiaren “Aukeran 20 urte” antolatu da 20:00etan. Ikuskizun honek obra oso ezberdinen zatiak biltzen ditu, hala nola, Bizkaiko hiribilduaren bonbardaketa, bizitzaren oinarrizko momentuen igarotzea eta Maurizia Aldaiturriaga pandereta joleari omenaldia.

Azkenik, astelehenean, abenduak 3, Kukai Dantza konpainiak dantza eta zinema bateratuko ditu “Oskara Plazara” izeneko ikuskizunean. 19:00etatik aurrera, hiru dantzarik “Oskara” ikuskizuneko hainbat pasarte taularatuko dituzte, dokumentalaren proiekzioarekin batera.

Salmenta guneak udaletxea, Sopelarin (Larrabasterra) eta Kurtzio Kultur Etxea dira. Eta internet bidez hurrengo estekan: https://bit.ly/2FEWcyP

 

 

Aisialdia eta Kulturazko azken albisteak

article thumbnailEkainaren 1ean, astelehena, argitaratuko da onartuen eta baztertuen behin betiko zerrenda, bost egun balioduneko aparteko epea irekiko da merezimenduak egiaztatzeko, eta, gainera, errekerimendu bat argitaratu da, hautaketa-prozesuan Kultura, Aisia eta Komunikazioko teknikari laguntzaileen lan-poltsa osatzeko behar adina egiaztatu ez ziren merezimenduei buruzkoa.  Epea bost egunekoa izango da,...
article thumbnailArgitaratu da 2020ko ekaineko Sopela Gurea aldizkaria eta laster banatuko da etxeetan. Bitartean hemen irakurri edo deskargatu dezakezu: 2020KO EKAINEKO SOPELA GUREA
article thumbnailOsasun Publikoaren aholkuei kasu eginez, jende asko biltzen duen ekitaldirik ezin denez egin, joan den maiatzaren 8an ospatutako Bozeramaileen Batzordeak San Juan, San Pedro, El Carmen, Santa Marina jaiak, Udalekuak, Summer Camp eta Ingles Topaketak bertan behera uztea erabaki zuen. Alkatetzak proposaturik, Jai Batzordeak, kuadrillekin batera eta Udaleko Kultura Sailarekin elkarlanean, bi...
article thumbnailCOVID-19aren krisiaren ondorioz, Kurtzio Kultur Etxeak oihala aldi baterako jaitsi behar izan zuen, eta bertan behera geratu ziren martxorako programatutako hiru ikuskizun, bai eta apirileko eta maiatzeko programazioa ere. Kurtzio Kultur Etxeak ikuskizun horiek urteko azken hiruhilekorako atzeratzea lortu du, gaur egun oso egoera larrian dagoen kultur sektoreari bultzada berri bat emateko...
Berri gehiago: Aisia eta Kultura  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia