Zu hemen zaude: Hasiera Albisteak Zabalik Sopelako 2018ko jaietako kartel lehiaketan parte hartzeko eta herriko musika taldeek izena emateko epeak

Zabalik Sopelako 2018ko jaietako kartel lehiaketan parte hartzeko eta herriko musika taldeek izena emateko epeak

 

Sopelako Udala eta Jai Batzordea 2018ko jaiak antolatzen hasi dira. Hori dela eta, jada tradizionala den jaietako kartela aukeratzeko lehiaketa martxan jarri da eta bestalde, Sopelako jaietan zuzenean jo nahi duten herriko musika taldeek izena emateko epea ere ireki da.

KARTEL LEHIAKETA 2018

PARTE-HARTZAILEAK

Lehiaketa honetan, nahi duten guztiek hartu ahal izango dute parte banaka edo taldeka; egile bakoitzeko lan bakarra onartuko da.

LANAK

Kartelaren gaiak jaiekin zerikusia eduki beharko du, eta derrigorrez beste lehiaketa batzuetan saritu bakoa izango da. Teknika eta kolorea libreak izango dira eta tamaina DIN A3koa izango da euskarri zurrunean finkatuta aurkezten delarik. Ordenagailuz eginez gero, kartelaren euskarri informatikoa ere aurkeztu behar izango da JPEGen eta 300ppp-tako kalitatean gutxienez.

TESTUA

Kartelean jarri beharreko testua honako hau da:

SOPELAKO JAIAK 2108

San Pedro ekainak 28 junio-uztailak 1 julio

Karmenak uztailak 13-16 julio

Sta. Marina uztailak 20 julio 

AURKEZPENA

Lanak egilearen sinadura barik aurkeztuko dira eta kartazal itxi batean egilearen identifikazio datuak sartuko dira: izen-abizenak, adina, helbidea eta telefonoa. Obra eta gutunazalari zenbaki bat jarriko zaizkie hartzerakoan. Lanak Kurtzio Kultur Etxean aurkeztu behar izango dira: astelehenetik ostiralera, 11:00etatik 14:00etara eta 16:00etatik 20:00etara, edo/eta larunbat eta igandetan 11:00etatik 14:00etara eta 17:00etatik 20:00etara. Antolatzaileek arreta handiz zainduko dituzte  lanak,  baina   ez   dute   hauen galera edo apurketa euren ardurapean hartuko. 

EPEA

Lanak entregatzeko azken eguna Apirilak 22 (igandea) izango da, 20:00ak arte.

EBAZPENA

Epaimahaia Zirrimarra elkartea izango da eta hartzen dituen erabakiak apelaezinak izango dira.

SARIAK

  • Maila nagusian (18 urtetik gorakoentzat):
    • Lehenengo saria: 500€ herriko denda batean gastatzeko
    • Egile sopeloztar onenari (irabazlea ez dena): 150€ herriko denda batean gastatzek
  •  Haur eta Gazteen atalean
    • Lehenengo saria 4-7 urte bitartean: OPARIA
    • Lehenengo saria 8-10 urte bitartean: OPARIA
    • Lehenengo saria 11-14 urte bitartean: OPARIA
    • Lehenengo saria 15–18 urte bitartean: 80 € Sopelako denda batean gastatzeko

LANAK ETA ERAKUSKETA

Saritutako lana Kurtzio Kultur Etxearen jabegora pasatuko da. Sarituak izan ez diren lanak batzeko epea 2018ko uztailaren 2tik 6ra izango da, eta egun horreen ostean jaso barik gelditutakoak kultur etxearen esku lotuko dira.

**Oharra: Lehiaketan parte hartzeak oinarriak onartzea esan gura du.

Informazio gehiago: E-mail hau spam roboten kontra babestuta dago. JavaScript aktibatuta izatea behar duzu hau ikusteko. / 94 406 55 05

MUSIKA TALDE LOKALAK

Herriko jaietan zure taldeak jotzea nahi izanez gero, honako baldintza hauek bete beharko dituzue:

1- Gutxienez taldeko partaideetariko bat Sopelan erroldaturik egon beharko du.

2-Talde bakoitzak bere biografia,   taldearen musika entzun ahal izateko CD/USB edo esteka bat eta kontakturako telefono edo e-mail bat aurkeztu beharko ditu.

3- Beharrezkoa izango balitz, partehartzaile guztien artean zozketa bat egingo da eta irabazleek San Pedro edo Karmenetako jaietan jotzeko aukera izango dute.

4-Taldearen euskararen erabilera kontuan hartuko da.

5-Aurreko urte bietan (2016-2017) deialdi honetan parte hartu ez duten taldeek izango dute lehentasuna.

Materiala aurkezteko azken eguna: apirilak 22, igandea

Tokia: Kurtzio Kultur Etxea (Mendieta 11, Sopela).

Ordutegia: astelehenetik ostiralera 11:00etatik 14:00etara eta 16:00etatik 20:00etara; larunbata eta igandetan 11:00etatik 14:00etara eta 17:00etatik 20:00etara.

Informazio gehiago: 94 406 55 05 – E-mail hau spam roboten kontra babestuta dago. JavaScript aktibatuta izatea behar duzu hau ikusteko.

 

Aisialdia eta Kulturazko azken albisteak

2018ko Sopelako Jaietako programa
2018eko ekainaren 16a
article thumbnailHurrengo esteka honetan 2018ko Sopela eta Larrabasterrako jaietako programa deskargatu ahal izango duzue: http://www.sopelaudala.org/index.php/es/documentos/cat_view/12-kultura-eta-asialdia-cultura-y-ocio
2018ko Udalekuetarako zozketa
2018eko ekainaren 08a
article thumbnail2018ko ekainaren 6an Sopelako Udalak beste urte batez antolatutako Udalekuetarako zozketa egin zen Kurtzio kultur etxean. Udaleku irekien lehenengo, hirugarren eta laugarren txandaren eta sur udalekuen lehenengo eta bigarren txanden zozketak egin dira. Zientzia udaleku, Musikaz Blai, Summer Camp eta udaleku irekien 2. txandaren kasuan ez da beharrezkoa izan zozketarik egitea, beraz, izena eman...
2018ko ekaineko agenda kulturala
2018eko ekainaren 05a
article thumbnailEkainak 3-10-17-24 EUSKERAZ OLGETAN Ordua: 12:00-14:00 Tokia: Jauregizar plaza (euria egitekotan: Kurtzio Kultur Etxea) Euskaraz   Ekainak 3 XVIII TXORI KANTARIEN TXAPELKETA Ordua: 8:30 Tokia: Antzar Potzu Antolatzailea: Txori Lagunak Euskadi   Ekainak 3 VII DUATLOI TXIKIA Ordua: 10:00 etatik aurrera Tokia: Udaletxeko plazan 1-14 bitarteko haur eta gezteentzat Antolatzailea: Hirubi Triatloi...
article thumbnail  Irailaren 20tik 23ra izango da, eta jarduera eta kontzertu guztiak doan eskainiko ditu barriro 10 talde eta DJ arituko dira orotara, tartean Travellin´Brothers Little Band, Grises, Liher, The Icer Company, Moonshakers, Zazkel, Melenas eta Dj Tirry&Teri Surfaz eginiko laburmetraiak aurkezteko epea zabalik da dagoeneko, irailaren 2ra arte hartuko baitira lanak Jaialdiaren laugarren edizioak...
Berri gehiago: Aisia eta Kultura  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia