Zu hemen zaude: Hasiera Albisteak Otsailaren 1, 2 eta 3an Sopela Surf Film Sessions ekimenaren bigarren edizioa ospatuko da

Otsailaren 1, 2 eta 3an Sopela Surf Film Sessions ekimenaren bigarren edizioa ospatuko da

 

Sopela nazioarte mailan surfak duen erreferentzia gisa ezartzeko xedez, Sopelako Udalak, TAUI Media ekoizlearekin elkarlanean, bigarren urtez jarraian Sopela Surf Film Sessions izeneko surfaren inguruko laburmetrai desberdinak proiektatzeko ekimena antolatu du.

Aurten, gainera, ekimena nobedadez beterik dator. Batetik, hitzordua hirukoitza izango da eta otsailaren 1, 2 eta 3an ospatuko da Kurtzio Kultur Etxean 19:00ak eta 21:00ak bitartean, doako sarrerekin. Eta bestetik, bigarren edizio hau kalitate handiagokoa izango da. Izan ere, ez baitago era hoberik ekimena gailentzeko eta Sopela nazioarte mailako mapan kokatzen laguntzeko,  proiektatuko diren dokumentalen egileak gure udalerrira hurbilduz baino. Honela, beraien lanak aurkeztu ahal izango dituzte eta Kurtzio Kultur Etxean elkartuko den publikoarekin bere esperientziak elkarbanatu. Gonbidatu nabarmenen artean honakoak agertzen dira: Inka Reichert, German Pinelo, Mireia Martinez, Annika Von Schütz, Garazi Sanchez, Carlos Arrola, Cesare Maglioni, David Bustamante, Ator Francesena “Gallo” eta Carlos Ferrandiz.

Otsailaren 1ean Elizabeth Pepin & Paul Ferrarisen “La Maestra”, Nathan Curren eta Pierre Denovelen “Biarritz Surf Gang” eta Jon Aspururen “A dream come true” proiektatuko dira. Otsailaren 2an, German Pineloren “Big Session San Borondon”, “The Carpenter” eta “Freedom Filipinhes”, Philip Gnadt eta Mickey Yamineren “Gaza Surf Club”, Diego Borgesen “The Blinking Island” eta Borja Amondarainen “Sorginetxe Big Wave Erronka 2018”. Eta azkenik otsailaren 3a, larunbata, emakumezkoen surfa izango da gai bakarra. Inka Reicherten "White Waves", Annika Von Schützen "Set up to sell - Surfen als Lifestyleprodukt”, Mireia Martinezen "Lanzarote”, "Traveler 1" eta “Maldivas", Victor Cresporen “Bali Utopía” eta Ixa Llambiasen” Testigo” eta “An oddisey in the Southern Seas” proiektatuko dira.

Iaz bezalaxe, ekimenaren aurkezpena eta gidaritza besteak beste, Zaloa Lecanda, Olaia Elorriaga, David Gaspar eta Alberto Urrutiaren esku egongo da.

Aisialdia eta Kulturazko azken albisteak

article thumbnailSopelako Udalak jakinarazten du mantenu lanak direla eta Txikigunea martxoaren 12 eta 13an, asteartea eta asteazkena, itxita egongo dela egun osoan zehar. Barkatu eragozpenak.
article thumbnail  Aste Santuko oporrak direla, apirilaren 15,16, 17,23, 24, 25 eta 26an Sopelako Ludoketaren ordutegia 9:00etatik 14:00ak arte izango da. Zerbitzua goizez eskainiko denez, haurrek, egunero eraman beharko dute hamaiketakoa etxetik. Parte hartu nahi dutenek aldez aurretik eman beharko dute izena, horretarako, Ludotekarekin kontaktuan jarri beharko dira \n E-mail hau spam roboten kontra babestuta dago....
article thumbnailSopelako Udala eta Jai Batzordea 2019ko jaiak antolatzen hasi dira. Hori dela eta, jada tradizionala den jaietako kartela aukeratzeko lehiaketa martxan jarri da eta bestalde, Sopelako jaietan zuzenean jo nahi duten herriko musika taldeek izena emateko epea ere ireki da. KARTEL LEHIAKETA PARTE-HARTZAILEAK Lehiaketa honetan, nahi duten guztiek hartu ahal izango dute parte banaka edo taldeka;...
article thumbnailBizkaiko Foru Aldundiak 18 eta  29 urte bitarteko gazteen topaketa bat antolatu du martxoaren 14an Aldundiko eta Bizkaiko udaletako ordezkariekin Bizkaia Gaztedi proiektuaren parte hartzeko bideak  hobetzeko eta kontuak emateko proposamenak biltzeko. Gazteen eta administrazioen arteko elkarrizketa arina ahalbidetzeko Drams Lab metodogia erabiltzen da. Informazio gehiagorako: ...
Berri gehiago: Aisia eta Kultura  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia