Zu hemen zaude: Hasiera Albisteak Sopelak irailaren 9 eta 10ean ekintzaz betetako Euskal Jaia ospatuko du

Sopelak irailaren 9 eta 10ean ekintzaz betetako Euskal Jaia ospatuko du

 

Sopelak adin guztiei zuzendutako ekintza ugari antolatu ditu  Jaien edizio berri bat ospatzeko xedez. Iraileko bigarren asteburuan, 9 larunbata eta 10 igandea, lehiaketa eta musika emanaldiez gain, nekazaritza eta artisau-produktu onenek, udaletxeko eta udalerriko kaleak euskal kulturaren erakusgarri bihurtuko dituzte.

1924. urtean turisten egonaldia udalerrian luzatzeko xedez sortutako Euskal Jaiak, garrantzi eta herri-errotze handia lortu du. Jaiak euskal jaietako tradizio gehienak biltzen ditu.

Larunbatean, hilak 9, Arantzazuko Birjinaren egunean, 10:00etan hasiko den Nekazal azoka antolatu da. Jada ohikoa denez, baserritarrek era guztietako fruta eta barazkiak jarriko dituzte salgai. Jarraian, 11:30ak eta 14:30ak artean, Sopelako panderojoleek herriko kaleak alaituko dituzte. Halaber, 11:30etan, "Sopelako udala" Pala Txapelketako Finalak jokatuko dira udal pilotalekuan. Eta ordubete beranduago, 12:30etan, Eguzkilore eta Meñakoz dantza taldeek euskal dantzen ikuskizun aparta eskainiko dute. Ostean, 13:30etan gazta, barazki, lora eta fruta txapelketaren sariak banatuko dira. Eta arratsaldean, 20:00etan, hain zuzen ere, Hortzmuga konpainiak Sopelako kaleak animatuko ditu “Femmes” izeneko kale antzerkiarekin. Jarduna agurtzeko, Dantzaz konpainiak, 22:00etatik aurrera, “Txoriak, Mikel Laboaren unibertsoan barneratzeko bidaia” izeneko dantza ikuskizuna eskainiko du Udaletxeko berdegunean.

Igandean, irailak 10, goizean zehar, Udaletxeko plazan, XII. Margo lehiaketa egingo da, Zirri Marra elkartearen eskutik. 10:00ak eta 11:00ak artean, aldiz, Sukalki txapelketako izen-ematea hasiko da. Parte hartzaileek 13:00ak eta 13:30ak artean aurkeztu beharko dituzte euren kazolak eta 14:00etan sari banaketa hasiko da. Baina hori baino lehen, 12:00etan, sopeloztar zein bisitariek bikotekako Bizkaiko Harrizulatze Txapelketa-Finalaz gozatzeko aukera izango dute, honako taldeek parte hartuko dutelarik: Kabiezes, Burdin gazteak, Aldai alde, Ugarte, Errekatxo eta Trapagaran.

Arratsaldean, 17:00etan, sari gehiago banatuko dira, oraingoan, margo lehiaketarenak. Eta jarduna agurtzeko, 18:00etan, umeentzako "Klaun de klown” ikuskizuna hasiko da.

Aisialdia eta Kulturazko azken albisteak

Ludotekako abenduko programazioa
2017eko azaroaren 22a
article thumbnailDagoeneko eskuragai duzue ludotekak abendurako antolatu dituen jardueren programazioa:  EUSKARAREN EGUNA:   NOIZ: Abenduak 2 (larunbata) APUNTATZEKO AZKEN EGUNA: azaroak 30 (osteguna) PARTE HARTZAILEEN ADINA: 4-12  urte (bakoitza bere txandan) METODOLOGIA: Haur bakoitza, ludotekara bere txandan etorriko da (txikiak goizez eta nagusiak arratsaldez). Txikiek, Euskararen Txantxangorriaren logoa...
article thumbnail  Azaroaren 10etik 19ra bitartean izango da MUSIKALDIA udazkeneko musika-zikloa Sopelan, Kurtzio Kultur Etxean. Okasiorako, Sopelako Udalak ekintza ugari antolatu ditu azaroaren 10, 11, 12, 17, 18 eta 19rako. Hona hemen egitarau osoa: Azaroak 10: ABESBATZEN TOPAKETA Lagun Artea (Sopela) – Coro Untzaga (Eibar) Coral del Hogar de animación de personas mayores (Haro) Ordua: 19:30 Tokia: Kurtzio...
article thumbnail  Zaila zen aurreko urteko marka haustea... baina ezina, ekinez egina! Pepetxinen omenez antolatzen den Sopelako VIII. Putxera Egunak marka guztiak hautsi ditu Eguraldia lagun izan ez arren, 163 putxera elkartu ziren, azaroaren 4an, Sopelako plazan, giro ederrean! Horietariko asko Sopelakoak izan ziren, baina bestelako udalerri ugarietatik ere gerturatu ziren: Santurtzi, Balmaseda, Trucios,...
article thumbnail  Uribe Kosta Gazteak azaroaren 14an hasi eta urtarrilaren 25era arte luzatuko den “Lehen sorospen eta desfibriladore automatikoa” ikastaroa antolatu du Sopelako Kurtzio kultur etxean. Ikastaroa, 16:30etatik 19:30etara egingo diren 16 sesioz osaturik egongo da (azaroak 14,16, 21, 23, 28  eta 30, abenduak 12,14, 19 eta 21 eta urtarrilak 9,11,16,18, 23 eta 25). Ekimenean, Sopela, Barrika,...
Berri gehiago: Aisia eta Kultura  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia