Zu hemen zaude: Hasiera Albisteak Udalak auzokideekin batera ospatu du udalerriko izen aldaketa, BIDEOA IKUSGAI

Udalak auzokideekin batera ospatu du udalerriko izen aldaketa, BIDEOA IKUSGAI

Auzokideekin batera udalerriko izen ofiziala ospatzeko asmoz, Sopelako Udalak "Sopela, izana eta izena" ekitaldia antolatu zuen atzo, martxoak 16, Kurtzio Kultur Etxean. Udalaren asmoa azken urteotan "Sopela" izena aldarrikatu duten lagunei euren lana eskertzea eta eurekin batera prozesu hau amaierara arte heldu dela ospatzea zen. Kurtzio Kultur Etxea jendez lepo egon zen (sarrerak astebete lehenago agortu ziren), eta Saioa Villanueva Sopelako alkateak hartu zuen hitza lehenengoz. Auzokideei ekitaldira joan izana eskertu zien, eta ekitaldiaren nondik norakoak azaldu zituen.

Horren ostean, bideo bat jarri zen, prozesu honetan parte hartu duten erakundeen kideekin: Mikel Gorrotxategi Euskaltzaindiaren izenean, Mirari Alberdi Eusko Jaurlaritzako Hizkuntza Sailburuordetzaren izenean, Betitxe Saitua Sopelako Udalaren izenean eta Mikel Begoña Aitxu Euskara elkartearen izenean.

Ekitaldiarekin jarraituz, herriko bertsolari txikiak igo ziren oholtzara, publikoaren gozamenerako. 

Bertsoak entzun eta gero, bigarren bideo bat proiektatu zen. Kasu honetan, urtetan "Sopela" izena aldarrikatu duten lagunen adierazpenak jaso ziren. Euren izenean egin zuten berba Bene Markaidak, Josetxu Perez Ansoleagak eta Gabi Basañezek. BIDEOA HEMEN KLIK EGINEZ IKUS DAITEKE.

Ekitaldia biribiltzeko, Ruper Ordorikaren kontzertuagaz gozatzeko aukerea izan genuen, kontzertu oso berezi batean.

Zorionak denoi!

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia