Sopelako Udala

Berbatxango astronomikoa ekainaren 15ean!

Larunbat honetan, ekainaren 15ean, Aitxu! euskara taldearen eskutik Astronomia berbatxangoa izango dugu, gauez antolatzen duten lehena. Durangoko Astronomia Ikasgelan astroen munduan sartuko gara: gelan dauden maketa eta proiekzioen bidez, hainbat gai azalduko dira: ilargia, eklipseak, eguzki-sistema, izarrak; bitxikeriak, gure galderak eta proposamenak ere hartuko dira kontuan, eguraldi ona egiten badu, ilargia eta Saturno (agian Artizarra ere) ikusiko ditugu zuzenean, teilatuan dagoen behatokitik, teleskopio baten bidez. Izena eman lehen bai lehen, 40 lagunentzako lekua besterik ez dago-eta!

Berbatxangoak Sopelako Aitxu! euskara taldeak, Getxoko Egizuk eta Erandioko Berbots taldeek antolatzen dituzte elkarlanean. Irteera hauetan edozein euskaldunek har dezake parte. Euren helburuak dira Sopela, Erandio eta Getxoko euskaldunok elkar ezagutzea, berbalagunon arteko zubiak eraikitzea, eta eskualdean dugun ondareaz jabetzea (naturala, historikoa, arkitektonikoa, kulturala…) beti ere euskararen bidetik.

Noiz: ekainak 15, larunbata
Irteera: 19:00etan Sopelako elizaren aurrean, 19:15ean Algortako Telepizzan, 19:30ean Erandioko gasolinoan
Nora: Durangoko Astronomia Ikasgelan astroen munduan sartuko gara.
Buelta: 10:30ean Durangotik irten
Txartela:2€
Aldez aurretik eman izena zure herriko elkartean:
Sopelan: E-mail hau spam roboten kontra babestuta dago. JavaScript aktibatuta izatea behar duzu hau ikusteko. / 603 894 364
Erandion: www.berbots.org / E-mail hau spam roboten kontra babestuta dago. JavaScript aktibatuta izatea behar duzu hau ikusteko. / 630 404 171
Getxon: www.egizu.org/ E-mail hau spam roboten kontra babestuta dago. JavaScript aktibatuta izatea behar duzu hau ikusteko. / 619 935 541 / 616 885 165
Anima zaitezte! Euskara eta kultura, gozatzeko moduko altxorrak.