Portal municipal de Sopela - Sopelako Udalak eta Basque Team Fundazioak akordio bat sinatu dute goi mailako surflariei hondartzen erabilera errazteko
Usted está aquí: Inicio EMPLEO Y PROMOCIÓN ECONÓMICA BERRIAK Kirolak Sopelako Udalak eta Basque Team Fundazioak akordio bat sinatu dute goi mailako surflariei hondartzen erabilera errazteko

cabecera empleo y promocioneconomica

Sopelako Udalak eta Basque Team Fundazioak akordio bat sinatu dute goi mailako surflariei hondartzen erabilera errazteko

 

Gaur goizean aurkeztu dute Kurtzio Kultur Etxean goi mailako surflariei hondartzen erabilera erraztuko dien hitzarmena. Ekitaldian izan dira Josu Landaluze Sopelako alkatea, Olatz Legarza Basque Teameko koordinatzailea, Carlos Sergio Achotegui Bizkaiko Foru Aldundiko kirol aholkularia, Euskal Herriko Surf Federazioko arduradunak eta Basque Teameko surflari batzuk, hala nola, Leticia Canales, Garazi Sánchez, Ariane Ochoa, Janire Gonzalez Etxabarri, Rubén Vitoria edo Bitor Garitaonandia.

Ibilbide luzea eta goi mailan ordezkaritza handia duen surfa kirol estrategikoa da Eusko Jaurlaritzarentzat. 1989an sortutako Euskal Federazioaren esperientziak eta urte hauetan guztietan kirolariek egindako lan eskergak gorengo mailara eraman dute euskal surfa Munduan. Horren guztiaren erakusgarri da atletek zirkuitu pribatuetan eta azken Munduko Txapelketetan egindako ibilbidea (Miyazakiko Munduko Txapelketan, estatuko selekzioa osatu zuten sei kirolarietatik lau euskaldunak ziren).

Testuinguru horretan, Sopelak bere harri koskorra jarri eta surflarien prestaketan lagundu nahi izan du, udalerriko hondartzen erabileran erraztasunak emanez. Kirolariak une erabakigarrian daude El Salvadorko Munduko Txapelketari begira. Surfa programa olinpikoan sartu dute Japoniako hitzorduan lehen aldiz, eta horrek kirol hau profesionalizatzen lagundu du. Sopelak bat egiten du gaur sinatutako akordioaren bidez surflarien errendimendua hobetzeko egiten ari den talde-lanarekin, hitzarmenak lehentasuna ematen baitie eta udalerriko hondartzetan eguneroko lana errazten baitie. "Sopelako Udalak konpromiso sendoa hartu du surfaren industriaren sektorea garatzeko eta surflarien hazkundea bultzatzeko. Gainera, apustu hori, elkarlanean eginez gero, esponentzialki handitzen ditugu administrazioek, federazioek eta kirolariek ezarritako helburuak betetzeko aukerak. Gaurkoan, surfa bezalako banakako kirol bat, talde-kirol bihurtzeko beste urrats bat emango dugu, arrakasta kolektiboa izango da”, adierazi du Josu Landaluze alkateak.

Munduko zirkuituko, Munduko Txapelketako eta Olinpiar Jokoetako hurrengo probetarako prestaketa bikaina eta oso zorrotza izan behar da. Basque Teamek, laguntza ekonomikoa emateaz gain, laguntza biomedikoa, teknikoa eta psikologikoa, arlo akademiko eta laboralean laguntza eta irudi eta komunikazioko aholkularitza eskaintzen ditu. Eusko Jaurlaritzak eta EiTBk 2007an sortu zuten Fundazioa, eta ordutik beti saiatu izan da kirolarien baldintzak hobetuko dituzten aliantzak ixten, kasu honetan bezala. Surfa kirol gaztea da fundazioarentzat, ibilbide luzea du aurretik, eta potentzial handia du herrialdearen marka-hedapenaren barruan pisu handia izateko.

"Euskal kostaldea izan zen surfaren sarbidea Europan, duela mende erdi baino gehiago. Harrezkero, diziplina hori hazi baino ez da egin Euskadin, eta gaur egun milaka kirolari erakartzen ditu gure herrialdean. Basque Team Fundazioak harreman estua du surfaren munduarekin, Euskadiko surflari erreferentzialenek gure laguntza dute, eta babes horretan gaurtik aurrera beste laguntzaile bat izango dugu, Sopelako Udalarekin lortutako akordioaren ondoren" adierazi du Olatz Legarzak.

 

Últimas noticias de Empleo y Promoción Económica

article thumbnail  • Se llevarán a cabo dos tipos de acciones formativas, una dirigida a personas desempleadas o en mejora de empleo de Sopela y otra a profesionales autónomos, emprendedores y empresarios/as. • El formulario de solicitud y las bases de la convocatoria se encuentran a disposición de las personas interesadas en www.sopela.eus, así como en las dependencias municipales. El plazo de presentación de las...
article thumbnail  A partir de hoy una nueva ventana se abre en la red para servir de marco e impulso de la actividad de negocios y empresas de Sopela Continuando con la segunda fase de la campaña de concienciación y activación del consumo local “Made in Sopela”, se ha puesto en marcha la nueva web www.madeinsopela.com, en la que  han participado, hasta el momento, más de 90 integrantes de diferentes sectores.  ...
article thumbnail  El Gobierno Vasco abre el plazo para solicitar las ayudas para el sostenimiento del subsector del equipamiento personal del comercio minorista vasco, con el objetivo de proteger y dar soporte económico de forma directa al subsector del equipamiento personal del comercio minorista vasco, a las personas trabajadoras por cuenta propia o autónomas, las comunidades de bienes, sociedades civiles, las...
article thumbnail  A finales del 2019, los Ayuntamientos de Sopela y Getxo firmaron un protocolo de actuación con el objetivo de promocionar e impulsar el desarrollo y el crecimiento del sector de la industria del surf y otros deportes de deslizamiento en ambos municipios. Getxo y Sopela concentran aproximadamente la mitad de la actividad económica del surf en Bizkaia, además de contar con eventos internacionales de primer...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia