Usted está aquí: Inicio Noticias BERRIAK Hiritarren Segurtasuna Sopelako Udaltzaingoak bi pertsona ikertu ditu ingurumenaren aurkako delitu bategatik

Sopelako Udaltzaingoak bi pertsona ikertu ditu ingurumenaren aurkako delitu bategatik

Sopelako Udaltzaingoak bi pertsona ikertu ditu, ingurumenaren aurkako delitu bat egotzita. Gertakaria bide bat mozten duten pintura ontzi ugari agertzearekin lotuta dago; ontzi batzuk hutsik zeuden eta beste batzuk zuzenean lurrera isurtzen zuten materiala; baita disolbatzaileak baldintza berdinetan, arrabolak eta brotxa erabiliak ere.

Maiatzaren 11an, 13:45ak aldera, Arriatera hondartzara doan bide batetik igaro berri zen bizilagun batek, Ingestabasotik gertu dagoen Kalixeta kalean, pintura ontzi ugari zeudela eta bidea oztopatzen zutela ohartarazi zion udaltzaingoari. Ontziak goizean ez zeuden han.

Bertaratutako agenteek ontziek bidea erabat mozten zutela eta likidoak bideko lurzoru urbanizaezinera isurtzen ari zirela egiaztatu ahal izan zuten. Ondoren, polizia agenteen ikuskapena ontzi batzuen etiketa itsaskorretan oinarritu zen. Estalkiei itsatsita, etiketetan Bizkaiko hainbat tokitako helbideak zituzten pertsonen datuak ageri ziren, urte desberdinetan datatuak. Pertsona bakoitzarekin harremanetan jarrita, bildutako datuek Bilboko pintura biltegi batera jotzen zuten, non, duela urte batzuk, partikular horiek beren etxeak egokitzeko pinturak erosi zituzten.

Bilboko denda honekin harremanetan jarri ondoren, ontzi horien jatorria azken urteetan erabilitako materialen hondakinen biltegi bat zela eta berau hilaren 11n bertan hutsitua izan zela jakin zuten . Bikote bat akordio ekonomiko bidez kontratatu zuten ex profeso lan horretarako, eta haiekin harremanetan jarri ziren Bilboko bide publikoko horma baten jarritako iragarki bat irakurri ondoren. Trastelekuak, biltegiak eta abar garbitzeko iragartzen ziren, eta kontakturako telefono mugikorraren izena eta zenbakia zituen iragarkiak. Horrela, hondakinen tratamenduari lotutako kostuak merketu zitzaketen.

Zantzuak ezagututa eta beharrezko deklarazioak hartuta, agenteek egileak nortzuk ziren jakitea lortu zuten. Bilbon bizi diren 31 eta 29 urteko bikote bat da, eta ikertu gisa deitu zituzten poliziaren egoitzan agertzera.

Halaber, Sopelako Udaleko trafikoko bideozaintzako kamerek materiala Bilbotik eramateko erabiltzen zen furgoneta handiaren etorrera eta irteera grabatu zituzten. Furgoneta 11:33an iritsi zen Sopelara, eta ordu erdi geroago alde egin zuen bide beretik.

Bestalde, Udaleko langileak arduratu ziren materialak kendu eta birziklatzeaz eta kutsatutako lurzorua garbitu eta bahetzeaz. Ekintza horiek amaitu gabe daude, datozen egunetan lur mugimendu berriak egin behar direlako. Kostua handia da eta ustezko egileei ondarez erreklamatuko zaie.

Atestatua Getxoko guardiako epaitegira bidali dute. Udaltzaingoak eskerrak eman dizkie isurketa gertatu zen ordu-tarteari buruzko informazioa eman zuten herritarrei.

Últimas noticias de Sostenibilidad

article thumbnailTras la solicitud de colaboración a la ciudadanía de no tirar muebles ni residuos voluminosos, por los servicios especiales que estaban ofreciendo las personas trabajadoras de Recogida de Basuras, reforzando servicios como el de desinfección, el Ayuntamiento informa que:  Se vuelve a activar la recogida de muebles y residuos voluminosos los lunes por la mañana. A partir del día 10 de mayo,...
article thumbnailDebido a las circunstancias especiales que estamos viviendo a causa de la propagación del COVID-19, el Ayuntamiento de Sopela se ve obligado a cerrar el plazo para la presentación de ideas del concurso para la construcción de bidegorris y asimismo, se retrasa su evaluación y publicación. Se trata del concurso que el consistorio puso en marcha para la construcción de bidegorris con el objetivo...
article thumbnail Los contenedores, personalizados y de color gris, se ubican enfrente del Ayuntamiento, en Larrabasterra, en Arrietara y en Atxabiribil.  La recaudación que se obtenga con la recogida de los tapones se destinará  a personas y colectivos desfavorecidos o proyectos solidarios. El dinero recaudado en esta primera recogida irá destinado a la Asociación Vasca Sanfilippo, formada por familiares y amigos de niños...
article thumbnailEl Ayuntamiento de Sopela ha dado el pistoletazo de salida a su Plan Energético Municipal 2019-2030. El documento ya está disponible en la propia página web del Ayuntamiento. Puedes descargártelo pinchando en el siguiente enlace: http://sopelaudala.org/index.php/eu/dokumentuak-sopela/cat_view/10-iraunkortasuna-sostenibilidad A través de esta iniciativa, el consistorio pretende realizar un diagnóstico de la situación...
Más noticias: Sostenibilidad  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia