Usted está aquí: Inicio Noticias BERRIAK Hiritarren Segurtasuna Bilboko zigor-arloko epaitegiaren sententzia irmoa Sopelako Udaltzaingoaren alde

Bilboko zigor-arloko epaitegiaren sententzia irmoa Sopelako Udaltzaingoaren alde

Bilboko Zigor Arloko 3 zenbakiko Epaitegiak sententzia irmoa eman du Sopelako zenbait udaltzainek, 2017ko martxoaren 21ean, bere eginkizunetan ari zirela herriko supermerkatu batean hiru gizonek eragindako lesioen gainean.

Sopelako udaltzainak izan ziren akusazio partikular gisa aurkeztu zirenak, desobedientzia eta lesioengatik salaketa jartzeko. Fiskaltza ere akusatzaile gisa aurkeztu zen.

Bi urte eskas pasa ondoren, Auzitegiak agenteen aldeko epaia eman du. Hiru gizonetatik bi, 28 urtekoak biak, kondenatu ditu; bati 3 hilabeteko espetxealdi-zigorra ezarri dio eta besteari 6 hilabetekoa. Auzitegiak agintaritzaren agenteei erresistitzeko delituaren egile gisa kondenatu ditu; kondenak dirauen bitartean sufragio pasiborako gaitasunik gabe utzi ditu eta lesio-delitu arin biren egile gisa ere kondenatu ditu.

Kondenatuek prozesuko kostuak ordaindu beharko dituzte. Bi gizonen artean, guztira 5.601 euroko kalte-ordaina eman beharko diete gertakarian inplikatutako 6 agenteetako 4ri. Epaitegiak, agenteei erresistentzia egiteagatik salatutako 27 urteko hirugarren gizonezkoari absoluzio askea eman dio.

Gogorarazi behar da, gertaera horrek eztabaida sozial handia sortu zuela, bai komunikabideetan baita kalean izan zuen oihartzunagatik. Sopelako Udaltzaingoaren egoitzaren aurrean protesta elkarretaratzeak egin ziren, agenteen jokabidea eta jarrera "arrazista" eta "neurrigabea" izan zela  aldarrikatuz, besteak beste. Sare sozialen bitartez ere kritika gogorrak zabaldu ziren agenteen jokabidearen kontra.

Bilboko Epaitegiko sententzian frogatutako gertaerak

2017ko martxoaren 21ean, 19:30ak aldera, Sopelako Udaltzaingoko sei agentek bi auzipetuak geldiarazi zituzten, herritarren segurtasuneko eginkizunen barruan. Izan ere, agenteak Zubigane kaleko supermerkatura bertaratu ziren, ustez lapurretan ari zirela informatu zuen telefono bidezko dei bat jaso ondoren.

Agenteek etengabe eskatu arren, bi auzipetuek behin eta berriz uko egiten zuten beren burua identifikatzeari, eta poliziaren aurka egiten jarraitu zuten. Halaber, agenteei "arrazistak" eta "putakumeak" zirela oihukatzen jarraitu zuten, baita erosketa-poltsen edukia kalean botatzen hasi ere.

Jarrera horren aurrean, agenteetako batek auzipetu bati jakinarazi zion atxilotuta geratzen zela desobedientzia-delitu bat egin izana egotzita. Orduan, auzipetuak, agentearen errespetuaren kontra eta beste agenteen osotasun fisikoa kaltetzeko asmoz, lehenik eta behin eskuekin paretaren kontra bultzada hartu eta agentearen kontra salto egin zuen, atzeraka, honen sorbaldaren kontra talka eginez. Jarraian produktuz beteriko erosketa-poltsa bat bota zion aurpegira; horren aurrean, beste agente batzuk auzipetua immobilizatzen saiatu ziren horretarako beharrezkoa zen gutxieneko indarra erabiliz, eta hau borrokan hasi zen lurrera eroriz eta agenteetako bati gerrikoan zeraman arauzko armatik aparteko kargagailua kentzen saiatuz. Azkenean guztiz immobilizatu zuten.

Bitartean, bigarren auzipetua, bere lagunaren atxiloketa oztopatzeko xedez, autoritateari errespetu osoa galduz, eta agenteen osotasun fisikoa kaltetzeko asmoz, lagunari laguntzen saiatu zen. Hortaz, oposizio handia erakusten zuela ikusita, agenteek immobilizatu egin zuten.

Lehen aipatutako gertakarien ondorioz, sei agenteetatik lauk hainbat lesio izan zituzten. Agente batek ezkerreko sorbaldan bihurritu akromo-klabikularra jasan zuen. Bigarren agente batek kontusioak izan zituen ezkerreko sorbaldan eta gerrialdean. Hirugarrenak trauma osteko lunbalgia bat izan zuen, eta laugarrenak lesioak izan zituen, bere osasunerako lehen asistentzia medikoan. Agenteak 10 egun eta hilabete bitartean egon behar izan zuten bajan.

Últimas noticias de Sostenibilidad

article thumbnailLa Mancomunidad de Servicios de Uribe Kosta ha comunicado por carta a todas las personas usuarias que el servicio público de alquiler de bicicletas se suspenderá coincidiendo con el nuevo año. Desde que Bizimeta, el servicio público de alquiler de bicicletas, se puso en marcha en 2009, han sido cientos las personas que lo han utilizado. Sin embargo, el número de usuarias y usuarios se ha...
article thumbnailA partir del lunes día 18 y hasta el día 22, educadores ambientales repartirán un folleto informativo y aclararán dudas sobre el reciclaje en diferentes islas de contenedores de toda la comarca de Uribe kosta. Dentro de la Semana Europea de Prevención de Residuos desde la Mancomunidad de Uribe Kosta se ha planteado una campaña de concienciación ciudadana para aumentar la recogida selectiva de...
article thumbnailEn el 2018 se recogieron 1.334 toneladas de papel y cartón entre los  274 contenedores colocados en los 7 municipios de la mancomunidad. A pesar de ello, en las caracterizaciones realizadas en los municipios de la comarca, se concluye que el 6-8 % de lo que se encuentra en el contenedor de basura o rechazo,  es papel y cartón. Los residuos de papel y cartón son fácilmente reciclables si se...
article thumbnailUn año más, el Departamento de Sostenibilidad de la Mancomunidad de Uribe Kosta ha puesto en marcha los cursos de Ekogune durante los meses de octubre y noviembre. Se trata de 7 cursos gratuitos relacionados con el huerto, la ecología y el consumo responsable: Conociendo los cereales: desde la semilla y su molienda hasta sus opciones en la cocina Elaboración de pan artesano con masa madre Recetas...
Más noticias: Sostenibilidad  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia