Portal municipal de Sopela - Sopelako Udalaren Adierazpen Instituzionala Azaroaren 25eko Emakumeen Aurkako Indarkeriaren aurkako eguna dela eta
Usted está aquí: Inicio Noticias BERRIAK Sopela Sopelako Udalaren Adierazpen Instituzionala Azaroaren 25eko Emakumeen Aurkako Indarkeriaren aurkako eguna dela eta

Sopelako Udalaren Adierazpen Instituzionala Azaroaren 25eko Emakumeen Aurkako Indarkeriaren aurkako eguna dela eta

Emakumeen aurkako indarkeria larderiarako tresna indartsua da, emakumeei zuzendua, indarrean dauden genero-arauak desafiatu eta eralda ez ditzaten. Mehatxurako tresna hori zuzenean emakumeengan erabiltzen da, baina baita haien gertuko pertsona maitatuenengan ere, min handiagoa sortzeko modu gisa. Kalkuluen arabera, bikotekideen edo bikotekide ohien eskutik indarkeria jasaten duten EAEko hamar emakumetik seik seme-alaba adingabeak dituzte, eta horiek ere biktima bihurtzen dira.

Indarkeria bikarioa esaten zaio emakumeari, hirugarren pertsonak baliatuz, kalte psikologiko handiena eta larriena eragiteko egiten zaion biolentzia motari, zeinak ankerkeria-maila gorena lortzen duen haien erailketarekin (seme-alabak, ama, aita, egungo bikotekidea, etab.). Istanbulgo Hitzarmenean ezarritakoa aplikatuz, kasu horiek ere genero-indarkeriaren parte gisa ulertzen dira, seme-alabei egindako kalteak erasotzaileek emakumeei tratu txarrak transmititzeko tresna bihurtzen diren heinean.

Azken lege-aldaketek dagoeneko jasotzen dute figura hori, biktima adingabeak babesteko neurriak sortzeari eta hedatzeari dagokionez. Hala ere, oraindik ere beharrezkoa da genero-indarkeria ukatzen duten, kasu horietan seme-alaben arriskua gutxiesten duten eta indarkeria horri aurre egiteko tresna juridikoak zalantzan jartzen dituzten diskurtsoen eta jarreren aurka ohartaraztea. Jarrera horiek adingabeen eta emakumeen birbiktimizazioan eragiten dute, haien salaketak susmopean jartzen dituzte, amak zigortzen dituzte, haien testigantza gutxiesten dute eta aitaren guraso-ahalaren eskubidea babesten dute, emakumeen eta adingabeen segurtasunaren eta indarberritzearen gainetik.

Emakumeen aurkako indarkeria beren seme-alaben bidez sistematikoki egikaritzeko modu horren aurrean, bai eta emakumeak kontrolatzeko, hertsatzeko eta kaltetzeko modu guztien aurrean ere, euskal erakundeok indarkeria horri aurre egiteko erantzukizuna dugu, kontuan hartuta ez direla gertakari isolatuak, egiturazko desberdintasun-egoera bati erantzuten diotela, eta egoera horri ikuspegi feministatik heldu behar zaiola.

Horregatik, Sopelako Udalak honako konpromiso hauek hartu nahi ditu:

●    Indarkeria bikarioaren errealitate hori agerian jartzen eta behar bezala artatzen laguntzea, besteak beste, Istanbulgo Hitzarmenak jasotzen dituen indarkeria-bideen biktima adingabeak koordinazio protokoloetan eta indarkeria matxistaren biktimak artatzeko protokoloetan txertatzea eta protokolook eguneratzea.

●    Indarkeria matxistaren biktima diren adingabeak hautematen eta esku-hartze goiztiarra egiten laguntzea, udal-zerbitzuen bidez, beste eragile batzuekin lankidetzan (hezkuntza-, osasun- eta polizia-agenteak, etab.), eta emakumeek beren ardurapean dituzten adingabeekin eta kaltetutako beste pertsona batzuekin behar dituzten beharrei eta baldintzei erantzutea.

●    Indarkeria matxistaren biktima diren adingabeak babesteko eta esku hartzeko prozesuak hobetzea, beren eskumenen esparruan, ikuspegi feminista duen sektore arteko abordatze integral eta holistikotik.

●    Neurri guztien erdigunean jartzea biktimen eskubideak eta haien ahalduntzea, eta laguntza integrala ematen laguntzea, prozedura judizialarekin duten inplikazio- edo lankidetza-maila edozein dela ere.

●    Toki-administrazioko langileak berdintasunari buruzko prestakuntza jaso dezaten bultzatzea, bereziki emakumeen aurkako indarkeria matxistaren aurrean erantzuten diharduten langileei, genero-ikuspegia eta giza eskubideen ikuspegia aintzat hartuz .
●    Lanean jarraitzea berdintasunaren aldeko eta emakumeenganako indarkeriaren aurkako, eta, ondorioz, haien seme-alaben aurkako, herri-itun bat lortzeko, herritar guztien jarrera aktiboa behar dugulako indarkeria matxistarik gabeko gizarte bat lortzeko.

Herritarrei gogorarazi nahi diegu indarkeriaren biktimei laguntzeko baliabideen sarea eskuragarri dagoela, besteak beste, SATEVI (900 840 111) indarkeriaren biktima diren emakumeentzako telefono bidezko arreta-zerbitzuaren eta ZEUK ESAN (116 111) haur eta nerabeentzako telefono eta online orientazio-, aholkularitza- eta informazio-zerbitzuaren bidez.

Era berean, herritarrei dei egiten diegu azaroaren 25ean bat egin dezaten emakumeenganako indarkeriaren aurkako nazioarteko eguna dela-eta beren udalerrietan deitutako mobilizazioekin.

Últimas noticias de Sostenibilidad

article thumbnailCada domicilio podrá retirar dos rollos de bolsas cada 20 semanas. Se ha instalado un dispositivo en la Oficina de Atención Ciudadana, que con solo pasar la tarjeta, informará al personal municipal de si ha expirado el plazo establecido y la persona puede recoger un nuevo rollo. Con el objetivo de poder seguir dispensando bolsas compostables de forma gratuita desde el Ayuntamiento, a partir del 1...
article thumbnailEl departamento de Sostenibilidad de la Mancomunidad de Uribe Kosta ha abierto (hasta el 28 de enero) el plazo de inscripción para los cursos de Ekogune del primer trimestre de 2022. La lista de personas admitidas se publicará el 2 de febrero. En total se ofertan 7 cursos: 1. Cómo hacer lácteos naturales en casa.2. Cómo hacer pan y brioche utilizando masa madre.3. Cómo hacer conservas...
article thumbnailLa tasa de recogida selectiva de residuos orgánicos marcó otro nuevo récord en noviembre de 2021: 21.320 kilos recogidos. La importantísima mejora en la cantidad y calidad del residuo orgánico recogido ha permitido a Sopela pasar de un 18% de tasa de reciclaje en 2020 a superar ya el 26%. La tasa de recogida selectiva de residuos orgánicos marcó otro nuevo récord en noviembre de 2021: 21.320...
article thumbnailLos talleres Inguru Minguru son talleres infantiles de educación ambiental organizadas por el Departamento de Sostenibilidad de la Mancomunidad de Uribe Kosta. El objetivo es inculcar en las personas participantes el respeto por el Medio Ambiente, recursos naturales, residuos, reciclaje y reutilización. Los talleres se impartirán en euskera, están dirigidos a niños mayores de 8 años y se...
Más noticias: Sostenibilidad  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia