Usted está aquí: Inicio Noticias BERRIAK Euskera eta hezkuntza Sopelako Udalak 4.0 merkataritza-gaitze aurreraturako programa bat abiaraziko du otsailean

Sopelako Udalak 4.0 merkataritza-gaitze aurreraturako programa bat abiaraziko du otsailean

 

  • Izena emateko epea urtarrilaren 25era arte egongo da irekita. Inprimakia eta deialdiaren oinarriak pertsona interesdunen esku daude www.sopela.eus helbidean edo udal-bulegoetan.
  • Otsailaren 4an hasiko da eta langabetu edota enplegua hobetu nahi dutenei, baita ekin nahi duten pertsona eta enpresa, denda edo negozioaren lehiakortasuna hobetu eta eraldatu nahi dutenei zuzenduta dago.

Sopelako komertzio eta enpresen sorkuntza eta ekintzailetza sustatzen jarraitzeko helburuarekin, Sopelako Udalak, Enplegu eta Ekonomi Sustapen Arloaren bitartez, “4.0 merkataritza-gaitze aurreraturako programa” izeneko ekimen berria jarri du martxan otsailerako. Doako prestakuntza programa hau Sopelako Ekintzailetza, Enplegua eta Ekonomi Sustapena Garatzeko Sopela 2020 Plan Estrategikoaren barruan dago eta langabetu edota enplegua hobetu nahi dutenei, baita ekin nahi duten pertsona eta enpresa, denda edo negozioaren lehiakortasuna hobetu eta eraldatu nahi dutenei zuzenduta dago.

Gaur egun, XXI. mendean murgilduak gauden honetan, munduan erosketen %90 uneren batean Internetetik pasatzen da eta kontsumitzaileak produktuen garapenean protagonista izateko aukera du. Testuinguru honetan, eremuan profesional- edota kudeatzaile-mota berria behar da, teknologia-tresnak erabiltzean ezagutza eta trebezia berriak erantsiko dituena. Gainera, bezeroarekin konexio birtuala sortzeko gai izango da.

Zentzu horretan, Gontzal Hermosilla alkateak baieztatu duenez, “gure udalerriko behartsuenen beharrizanei erantzun nahi diegu, hori dela eta udalak aurrekontu ahalegina eta kudeaketa ahalegina egiten du herritarren onurarako. Beste behin, Udalak dituen baliabide eta tresna guztiak sopeloztarren esku jartzen ditu helburu hirukoitzarekin, besteak beste, irmoki langabezia-tasa murriztu, ekintzailetza sustatu eta Sopelako enpresa nahiz negozioen sorkuntza eta garapena bultzatu”.

Horregatik, hain zuzen ere, Sopelako Udaleko Enplegu eta Ekonomi Sustapenaren Sailak ekimen hau abiarazi du “lanbide-gaitasuna hobetu nahi dugu, tokiko enpresa nahiz negozioen lehiakortasuna eta jabekuntza areagotzeko ahalmen tekniko eta estrategiko digitalak bereganatzearekin batera. Azkenik, 4.0 marketin- eta merkataritza-teknologia berrien bidez arloan enplegagarritasuna gehitu nahi dugu” adierazi du Teresa Fernández Enplegu eta Ekonomi Sustapen zinegotziak.

Programa, otsailaren 4an hasiko da eta astelehenetik ostiralera (9:30-13:30) egingo da Landabe kalean dagoen udal-lokalean. Guztira, aurrez aurre 160 ordutan banatutako honako lau modulu egingo dira:

  • 1.Modulua. 4.0 testuinguruan merkataritzak eta negozioak dituen baliabide praktikoei sarrera: bilakaera eta tresnak (10 ordu).
  • 2. Modulua. 4.0 eta 1.0 merkataritza sustatzea (60 ordu).
  • 3. Modulua. 4.0 merkataritzarantz (60 ordu).
  • 4. Modulua. Merkataritza-jabekuntza eta garapen lehiakorra (30 ordu).

Parte hartu nahi dutenek urtarrilaren 25era arte izango dute izena emateko aukera. Izena emateko inprimakia eta deialdiaren oinarriak pertsona interesdunen esku daude www.sopela.eus helbidean edo udal-bulegoetan.

Últimas noticias de Ocio y cultura

article thumbnail5 de abril GHERO, AZKEN EUSKALDUNA TARTEAN TEATROA Hora: 20:00 Lugar: Kurtzio Kultur Etxea En euskera Entrada: 8 € Dramaturgia: Patxo Telleria Dirección: Jokin Oregi Interpretes: Mikel Martinez, Patxo Telleria, Olatz Ganboa, Iñaki Maruri y Ane Pikaza   6 de abril DÍA MUNDIAL DE LA SALUD SOPELA SASOIAN 11:00-13:00 Plaza del Ayuntamiento: 11:00 Body-combat 11:30 Pilates 12:00 Sh’bam 12:30...
article thumbnailYa está listo el número de abril de 2019 de la revista Sopela Gurea y pronto se repartirá en las casas de Sopela. Mientras, puedes echarle un vistazo aquí o descárgatelo si lo prefieres en http://sopelaudala.org/index.php/es/documentos/cat_view/3-sopela-gurea
article thumbnailDisponible en el siguiente enlace la agenda cultural de abril, mayo, junio, julio, agosto y septiembre. http://sopelaudala.org/index.php/eu/dokumentuak-sopela/cat_view/12-kultura-eta-asialdia-cultura-y-ocio
article thumbnailEl Ayuntamiento de Sopela informa que con motivo de trabajos de mantenimiento el Txikigunea permanecerá cerrado el 12 y 13 de marzo, martes y miércoles, durante todo el día. Disculpen las molestias.
Más noticias: Cultura  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia