Usted está aquí: Inicio Noticias BERRIAK Iraurkontasuna Mankomunitateak zenbait neurri zehatz proposatzen ditu paper eta kartoiaren gaikako bilketa hobetzeko

Mankomunitateak zenbait neurri zehatz proposatzen ditu paper eta kartoiaren gaikako bilketa hobetzeko

 

2018an, 1.334 tona paper eta kartoi jaso ziren Mankomunitateko 7 udalerrietan kokatutako 274 edukiontzietan. Hala ere, eskualdeko herrietan egindako karakterizazioen ostean, ondorioa da zarama‑edukiontzietara botatzen denaren %6-8 papera eta kartoia dela.

Paper eta kartoizko hondakinak erraz birziklatzen dira baldin eta gure etxe eta saltokietan ondo sailkatu, eta gero edukiontzi urdinera botatzen badira. Horregatik, Uribe Kostako Mankomunitateak azpimarratu nahi du oso garrantzitsua dela hondakin‑mota horiek jatorrian ondo sailkatzea, eta, horri begira, zenbait ekimen jarriko dira abian.

Ekintza horiek guztiak hondakinak prebenitzeko europar astean egingo dira, Europa osoan, azaroaren 16tik 24ra bitartean.

 Hona hemen garrantzitsuenak:

1.- BINILOAK JARTZEA

Binilo bana jarriko da papera eta kartoia birziklatzeko edukiontzietan, eta hor adieraziko da bertara zer bota daitekeen eta zer ezin daitekeen. Era berean, herritarrei gogoraraziko zaie kutxak tolestatu egin behar direla edukiontzira sartu baino lehenago. Gogorarazi behar dugu, bestalde, edukiontzi honetara ezin direla bota egurrezko kutxak, poliespanezko hondakinak, ezta plastikozko hondakinak ere.

2.- SALTOKIETARA GUTUNAK BIDALTZEA

Uribe Kostan paper eta kartoi asko sortzen duten 300 saltokitara gutun bana bidaliko da, papera eta kartoia atez ate biltzeko doako zerbitzuan izena eman dezaten.

 3.- BISITA PERTSONALIZATUA SALTOKIETARA

Paper eta kartoi asko sortzen duten saltokietara gutuna bidali ondoren, ingurumen‑hezitzaileek bisita pertsonalizatuak egingo dituzte leku horietara, eta hor azalduko zaie saltzaileei zertan datzan papera eta kartoia atez ate biltzeko doako zerbitzua.

Gainera, iman bana emango zaie, non jasota egongo baitira, batetik, zerbitzuan izena emateko doako telefono‑zenbakia; eta, bestetik, frakzio bakoitzaren gaineko azalpen txiki bat. Zerbitzu honetan alta emateko telefonoa 900 720 631 da, eta bilketa‑enpresa harremanetan jarriko da saltokiarekin bilketa‑ordua eta modua adosteko.

4.- BIRZIKLATZEARI BURUZKO INFORMAZIO‑ORRIAK, ETA EDUKIONTZIEN ONDOKO INFORMAZIO‑EMALEAK. “BIRZIKLATU ZALANTZARIK GABE”

2012ko “birziklatu zalantzarik gabe” kanpainako informazio‑orrien beste edizio bat egin da, edukia eta frakzioak eguneratuta. Argibideak emateko 15.000 triptiko editatu dira, horien bidez kendu nahi baitira jatorrian behar bezala sailkatu ondoren edukiontzi egokira botatzearen inguruko zalantzak. Irudiz osatutako triptiko bat da, bertan adierazita zer bota behar den edukiontzi bakoitzera, eta zer ez, herritarrek argi eduki dezaten nola sailkatu behar diren hondakinak.

Ingurumen‑hezitzaileek banatuko dituzte triptikook, edukiontzien ondo‑ondoan, eta lekuan bertan argituko dituzte litezkeen zalantzak.

Era berean, eskuragarri izan daitezen, web‑orrian ere eskegiko dira, PDF formatuan.

Ikastetxeetan

Triptikoen kopuru osotik, 4.000 banatuko dira Uribe Kostako ikasle guztien artean, txiki‑txikitatik ulertarazteko zein garrantzitsua den hondakinak sailkatu eta birziklatzea. Gainera, zuzeneko modua da familietara iristeko eta etxeko guztiek eginkizun honetan duten ardura helarazteko.  Eskola Agenda 21en parte hartzen duten ikastetxe guztiek “check list” erako inkesta egingo dute, eta horri esker identifikatuko da zein diren etxeetan birziklatzean egiten diren akatsak; akatsak topatu ondoren, konponbideak bilatuko dira.

Ekimen hauen guztien helburua da gero eta hondakin gehiago sailkatuta jasotzea gure eskualdean, ondoren birziklatu ahal daitezen.

Argibide gehiago nahi izatekotan, deitu EKOGUNEren telefonora: 94 657 92 80.

 

 

Últimas noticias de Ocio y cultura

article thumbnailEl Ayuntamiento de Sopela continúa fomentando las actividades musicales y un año más pone en marcha el ciclo de música de otoño Musikaldia que se desarrollará durante los próximos 12, 13, 14 y 15 de diciembre en la casa de cultura de Kurtzio.Para la ocasión se han organizado un total de cuatro conciertos. El jueves a las 19:30 h, actuará el Otxote “Lur Maitea”, un grupo creado en Bilbao en el...
article thumbnailEl Ayuntamiento de Sopela ha organizado un amplio programa repleto de actividades a desarrollar durante el mes de diciembre en la Ludoteca y Gaztelekua.  Para más información sobre las actividades programadas, descargar el siguiente documento:  http://sopelaudala.org/index.php/es/documentos/cat_view/8-gazteria-juventud LUDOTEKA: 94 656 94 82 / \n Esta dirección de correo electrónico está...
article thumbnailUn año más, el Ayuntamiento de Sopela organiza el tradicional concurso de pintura de Olentzero y Mari Domingi, dirigido niños, niñas y jóvenes de entre 5 y 12 años. Las personas interesadas en participar deberán entregar sus trabajos antes del 1 de diciembre, domingo, en Kurtzio Kultur Etxea (Mendieta 11, Sopela), de lunes a viernes de 11:00 h a 14:00 h y de 16:00 h a 20:00 h y los fines de...
article thumbnailUn año más, el Putxera Eguna de Sopela, organizado por el colectivo Marmiton en colaboración con el Ayuntamiento, ha sido todo un éxito. Un total de 162 cuadrillas han participado en esta edición tan especial que ha cumplido su décimo aniversario. Asimismo, pedimos disculpas por los problemas informáticos que ha habido en la contabilización de los puntos y por el retraso en la entrega de los...
Más noticias: Cultura  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia