Usted está aquí: Inicio INICIO Ayuntamiento BERRIAK Aisia eta Kultura Agate Deuna 2019

Agate Deuna 2019

Aurtengoan, AGATE DEUNAren ospakizuna era herrikoi eta parte hartzaileagoa egiteko asmoarekin, ez da txapelketarik antolatuko eta herriko talde, elkarte eragile eta abarrei honako gonbidapena luzatzen dizuegu:

Goizeko deialdia:

Eguerdiko 12:00etan Larrabasterrako Urgitxeta plazan, talde guztiak elkarrekin abestera gonbidatzen ditugu. Horren ondoren, mokadutxo bat emango da parte hartzaile guztientzat (beti ere aldez aurretik izena eman duten talde, eragile, elkarte eta kolektiboentzat).

Arratsaldeko deialdia:

Arratsaldeko 18:30etatik aurrera: Sopelako Udaletxeko plazan, talde guztiak elkarrekin abestera gonbidatzen ditugu. Horren ondoren, txokolatada bat antolatuko da parte hartzaile guztientzat (beti ere aldez aurretik izena eman duten talde, eragile, elkarte eta kolektiboentzat).

Deialdi bietan parte hartzeko aukera dago, eta hortaz gain talde bakoitzak herrian zehar nahi duen tokietan abesteko aukera izango du.

Izena emateko, baldintza hauek betetzea eskatzen da:

  • Taldeak 10 pertsonakoak izango dira gutxienez.
  • Taldeak Sopelakoak izango dira.
  • Talde bakoitzak arduradun bat izendatuko du. Taldea adinez txikikoek osatzen badute, arduraduna adinez nagusia izan beharko da.
  • Taldekide guztiek baserritarrez jantzita joan beharko dute.
  • Izena ematea urtarrilaren 31ra arte, Kurtzio Kultur Etxean edo Esta dirección de correo electrónico está protegida contra spambots. Usted necesita tener Javascript activado para poder verla. e-posta eta 944065505 telefonoaren bidez.
  • Entregatu beharreko datuak:
    • Taldeko arduraduna izango den kidearen izen-abizenak, telefonoa eta NANaren fotokopia.
    • Taldearen izena.

 

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia