Portal municipal de Sopela - Udalak herritarren laguntza eskatu du tamaina handiko hondakinak biltzeko zerbitzuaren erabilera egokia egiteko
Usted está aquí: Inicio INICIO Ayuntamiento BERRIAK Iraurkontasuna Udalak herritarren laguntza eskatu du tamaina handiko hondakinak biltzeko zerbitzuaren erabilera egokia egiteko

Udalak herritarren laguntza eskatu du tamaina handiko hondakinak biltzeko zerbitzuaren erabilera egokia egiteko

Sopelako Udalak udalerriko auzotarren laguntza eskatu du, tamaina handiko hondakinak bide publikoan lagatzerakoan, udalerriko hainbat tokitan gertatzen ari diren deskontrol puntualak saihesteko.

Zerbitzuren erabileraren azken kasu desegokia Loiola Ander Deuna kalean gertatu da, orain egun batzuk,bertako bizilagun batek etxeko hainbat tresna kalean utzi eta zerbitzua neurriz kanpo erabiliz. Udala kasua ikertzen ari da.

Udalak, jarrera hau onartezina eta gizalegerik gabekoa dela salatu du, eta horrek kalte nabarmenak eragiten dizkie gainerako herritarrei. Mota horretako hondakinak kontrolik gabe lagatzeak zuzenean eragiten dio bilketa-zerbitzuari eta bide publikoaren osasungarritasunari. "Baliabideak optimizatzeko, biziagunen laguntza eta konpromisoa ezinbestekoak dira, zerbitzuari ahalik eta etekinik handiena ateratzeko", adierazi dute udal gobernutik. Horrelako hondakinak biltzeko baliabide bereziak behar direla azaldu dute, eta aldez aurretik jakinarazi gabe, edukiontzi estandarren inguruetan kontrolik gabe utziz gero, ezinezkoa dela zerbitzu eraginkorra ematea.

Udalak jakinarazi du bilketa-egunera arte itxaron ezin duenak garbiguneak dituela hondakin horiek uzteko. Bide publikoan uzten diren bitartean, nahitaezkoa izango da hondakinak lagatzeko ezarritako eguna errespetatzea, hau da, igandeetan. Zentzu horretan, gogorarazi du tamaina handiko hondakinak (altzariak, etxetresna elektrikoak, etab.) biltzeko zerbitzua gehienez 3 unitatekoa dela. Kopuru hori gaindituz gero, dagokion garbigunera eraman beharko dira, Udalak ezin baitie zerbitzurik eman etxe-aldaketa partikularrei. Era berean, ezarritako arauak ez betetzeagatik ezar daitezkeen isunak baloratzen ari da Udala

Udalak jakinarazten du, zerbitzua ahalik eta ondoen antolatzeko, derrigorrezkoa dela hondakin horiek bota nahi dituztenek Udalari aldez aurretik jakinaraztea, bilketa koordinatzeko. Harremanetarako telefonoa 944 24 38 34  da.

Udalak aldez aurretik eskertu nahi die herritarrei jarraibide hauek aplikatzeko duten inplikazioa, eta bizilagunen laguntza eskatzen du kaleak garbi mantendu daitezen.

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia