Usted está aquí: Inicio Noticias BERRIAK Aisia eta Kultura Hesian eta El Canijo de Jerez Sopela Kosta Fest 2019 jaialdian

Hesian eta El Canijo de Jerez Sopela Kosta Fest 2019 jaialdian

Jaialdia irailaren 19tik 22ra egingo da, eta ehunka ekintza eskainiko ditu erabat doan

Cooper, Tachenko, Nerabe, Nøgen, Natali, Lukiek, Mississippi Queen and the Wet Dogs eta Larry Bird ere eskenatoki nagusian arituko dira 

Berrikuntzen artean, jaialdiaren seigarren ekitaldi honetan Euskadiko skate txapelketa egingo da, eta Silvia Serret skater profesionalak emakumeei zuzendutako ‘masterclass’ bat eskainiko du

Egitarauan ohikoak diren jarduerek bere horretan segitzen dute, hala nola surfeko klaseak dohainik, surf, bodyboard eta kayaksurf txapelketak, zine erakusketak eta adin guztietara egokitutako tailerrak 


Hesian taldea eta El Canijo de Jerez artista izango dira Sopela Kosta Fest jaialdiaren seigarren ekitaldiko kartel-buruak, irailaren 19 eta 22 artean. Sopelako udalak, antolatzailea den aldetik, udaletxeko plazako oholtza nagusian arituko diren 10 kantari eta taldez osaturiko egitaraua aurkeztu du.

13 urteko ibilbidearekin, Hesian talde nafarrak ostiralean hurbiltzen diren guztiei ‘Hasiera’ bere azken diskoko abestiak eskainiko dizkie, bai eta gazteenen artean hain ezagunak diren beste hamaika abesti ere. Tachenko zaragozarren indie-popa; Nerabe donostiar gazteen popa; Natali Izagirre usurbildarra buru duen Natali taldea; eta Mississippi Queen and the Wet Dogs bilbotarren soula izango dira kontzertuen lehen egun honetan joko duten beste artistak. 

Larunbatean, irailaren 21ean, El Canijo de Jerez izango da kartel-burua, hau da, 12 urtez Los Delinqüentes flamenko-pop taldearen buru izan den Marcos del Ojo Barrosoren beste pertsonaia. Alex Díezek, Los Flechazos taldeko buru ohiaren Cooper taldeak eta bere mod-popak; Nøgen donostiarren folk-popak; Larry Bird laukote bilbotarrak eta Belako taldeko gitarra-jolearen egitasmo paraleloak, Lukiek taldeak, osatuko dute kontzertuen bigarren egun gau.  

 

Kontzertuen ordutegiak: 

Irailaren 20an (ostirala)

20:00 Mississippi Queen and the Wet Dogs

21:00 Natali

22:00 Nerabe

23:15 Tachenko

24:45 Hesian

 

Irailaren 21ean (larunbata)

20:00 Lukiek

21:00 Larry bird

22:00 Nøgen

23:15 Cooper

24:45 El Canijo de Jerez 

 

Ehunka jarduera doan, tartean skatea  

Ohikoa den bezala, Sopela Kosta Festen naturarekin eta surfaren, bodyboardaren, kayak-surfaren edo skatearen kulturarekin zerikusia duten ehunka jarduera eskainiko dira, eta denak musu-truk. Horrez gain, euskal zirkuituko hainbat lehiaketa esanguratsu egingo dira. 

Aurtengo berrikuntzetako bat skate kirolaren eskutik dator, Euskadiko skate zirkuituaren lehiaketetako bat egingo baita ‘bowl’ modalitatean, eta Patinajeko Euskal Federazioaren skateboard sailak antolatuta. Larunbatean egingo da, Sopelako skate-parkean, Arriatera hondartzan. 

Gainera, igandean, arratsaldeko 17:00etan, Silvia Serret skater profesionalak emakumeei zuzendutako ‘masterclass’ bat emango du. Guztira 15 plaza eskainiko dira, beraz, aldez aurretik izena ematea ezinbestekoa da. 

Beste berrikuntza bat parkour hastapenetako tailerra izango da, Parkour Bilbao erakundearen eskutik. 10 eta 17 urte arteko gazteei zuzenduko da, eta guztira 30 plaza eskainiko ditu. 

Sopelako Udalaren eta Euskal Herriko Surf Federazioaren arteko elkarlanak beste urte batez bere horretan jarraituko du, eta Euskal Herriko zirkuituko hainbat froga hartuko dira jaialdiaren baitan, maila guztietan, bai eta kluben arteko lehiaketa ere. 

Herriko bost surf eskola arduratuko dira kirol honetan erabat doan hasi nahi dutenei oinarriko jarraibideak ematen, doako surf ikastaroetan. Plaza mugatuak daude, 11 urtez gorako neska mutilentzat. 

Horrez gain, Peña Txuri Surf Eskolak egokitutako surf ikastaroak eskainiko ditu, olatuak hartzeak sentiarazten duena behar bereziak dituzten gazteek ere ezagutu dezaten. 

Barrika Piragua Taldeak eta Bizkaiko Piraguismo Federazioak III Kayaksurf Kopa antolatuko dute, bai eta lehen waveski opena ere. 

 

Hasteko, surf zinema proiekzioak  

Sopela Kosta Fest hasteko, udaletxeko plazan ezarriko den pantaila erraldoian surfeko filmak ikusiko dira, ostegunean. Emanaldiak iluntzeko 20:30ean abiatuko dira, eta ‘La ola sin fronteras’ (74’), Joaquín eta Julian Azulay ‘Los Gauchos del mar’ egileen lana ikusi ahal izango da (gazteleraz ingelesezko azpitituluekin); ‘One shot’ (30’), Russell Ord argazkilari australiarraren filma (ingelesez gaztelerako azpitituluekin); eta  Anne-Flore Marxer snowboarder suitzarraren ‘A land shaped by women’ (26’), (ingelesez gaztelerako azpitituluekin). 

Ostegunean bertan, euskal kostaldeko surfaren historiari buruzko argazkien erakusketa zabalduko da. Aitzindarien irudiak, olatu onenak, olatu handietako surfa, euskal surfaren artea, surfaren industria, emakumeen bateratzea eta lehiaketak erakusten dira bilduma honetan. Sopelako hondartzetan garatutako surfari buruzko irudiak ere bilduko ditu. Kurtzio Kultur Etxean urriaren 8ra arte egongo da zabalik erakusketa, doan hau ere. 

Eta igande goizean udaletxeko plazara hurbiltzen direnek, Bizkaiko Garagardo Elkarteko egileek sortutako edariak dastatu ahal izango dituzte, ekoiztetxeetara bisita birtuala egin, eta ‘La Gilda del Norte’-ren Sopelako gilda onenak jan. 

 

 

 

Últimas noticias de Deportes

article thumbnailEl 14 de julio, domingo, se celebra en la playa de Barinatxe la Carrera nudista "Premio Patxi Ros", organizada por 20º año consecutivo por el Ayuntamiento de Sopela y Munarri Atletismo Taldea. La iniciativa comenzará a las 11:00 h y, como ya viene siendo habitual, constará de dos categorías: la testimonial, de 1 kilometro, y la absoluta, de 5 kilómetros. Habrá premio para los y las tres...
article thumbnailLos días 12, 13 y 14 de julio la playa de Arrietara será testigo de uno de los eventos de surf adaptado más importantes a nivel internacional con la participación de más de 70 surfistas profesionales de todo el mundo. Organizado por Peña Txuri Surf Taldea, la Fundación Alvin Bayona y @haimandelpozo, el campeonato contará con 8 categorías y más de 17.000 euros en premios igualitarios. El viernes 12 de...
article thumbnailPor octavo año consecutivo, el próximo sábado, 8 de junio se celebrará en Sopela el Duatloi Txiki organizado por el  el Ayuntamiento de Sopela e Hirubi Triatloi Taldea.Una vez más, la plaza del Ayuntamiento será el centro de salida y de llegada de la carrera. Los y las participantes iniciarán la carrera entre las 10:00 h y las 12:30 h y como viene siendo habitual habrá diversas categorías y...
article thumbnailPara ello, el Ayuntamiento de Sopela ha habilitado una partida económica de 12:100 euros. El plazo de presentación de solicitudes estará abierto del 6 al 19 de junio (ambos inclusive). Dichas solicitudes deberán presentarse en el Registro General del Ayuntamiento de Sopela ubicado en la calle Sabino Arana, 1, o bien en la Oficina de Atención Ciudadana ubicada en la calle Loiola Ander Deuna 28,...
Más noticias: Deportes  

Enplegu Beste Berriak / Otras Noticias de Empleo

article thumbnailEl Surf Business Meeting, impulsado en Sopela hace cuatro años como un lugar de encuentro de los profesionales del sector, busca su propio hueco. Y es que, en esta ocasión, no se celebrará en el marco del Sopela Kosta Fest. El Ayuntamiento, impulsor de ambos eventos, ha apostado por separarlos en el calendario ante el peso que están ganando ambos eventos. Así, la música y las actividades de...
article thumbnailSopelako Udalak surfaren eta irristaketa-kirolen profesionalentzat sortutako ekimenak laugarren edizioa beteko du aurten. Lehenengoz, Sopela Kosta Fest jaialdiaren egitarautik kanpo egingo dute topaketa, eta oraingoan Getxoko Udalak ere hartuko du parte ... Para ver la noticia completa pulsa AQUI...
article thumbnailSopela- Sopela apuesta por fomentar las oportunidades laborales y por eso el Ayuntamiento de la localidad, a través de Uribe Kostako Behargintza, ha puesto en marcha el programa de Lanbide-Servicio Vasco de Empleo, Acciones Locales para la Promoción del Empleo 2019 ... Para ver la noticia completa pulsa AQUI...
article thumbnailPequeños empresarios conectan con inversores a través de foros como Business Market para impulsar proyectos en zonas alejadas de los grandes centros de negocio.... Para ver la noticia completa pulsa AQUI

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia