Usted está aquí: Inicio SEGURIDAD CIUDADANA BERRIAK Hiritarren Segurtasuna Bilboko zigor-arloko epaitegiaren sententzia irmoa Sopelako Udaltzaingoaren alde

Bilboko zigor-arloko epaitegiaren sententzia irmoa Sopelako Udaltzaingoaren alde

Bilboko Zigor Arloko 3 zenbakiko Epaitegiak sententzia irmoa eman du Sopelako zenbait udaltzainek, 2017ko martxoaren 21ean, bere eginkizunetan ari zirela herriko supermerkatu batean hiru gizonek eragindako lesioen gainean.

Sopelako udaltzainak izan ziren akusazio partikular gisa aurkeztu zirenak, desobedientzia eta lesioengatik salaketa jartzeko. Fiskaltza ere akusatzaile gisa aurkeztu zen.

Bi urte eskas pasa ondoren, Auzitegiak agenteen aldeko epaia eman du. Hiru gizonetatik bi, 28 urtekoak biak, kondenatu ditu; bati 3 hilabeteko espetxealdi-zigorra ezarri dio eta besteari 6 hilabetekoa. Auzitegiak agintaritzaren agenteei erresistitzeko delituaren egile gisa kondenatu ditu; kondenak dirauen bitartean sufragio pasiborako gaitasunik gabe utzi ditu eta lesio-delitu arin biren egile gisa ere kondenatu ditu.

Kondenatuek prozesuko kostuak ordaindu beharko dituzte. Bi gizonen artean, guztira 5.601 euroko kalte-ordaina eman beharko diete gertakarian inplikatutako 6 agenteetako 4ri. Epaitegiak, agenteei erresistentzia egiteagatik salatutako 27 urteko hirugarren gizonezkoari absoluzio askea eman dio.

Gogorarazi behar da, gertaera horrek eztabaida sozial handia sortu zuela, bai komunikabideetan baita kalean izan zuen oihartzunagatik. Sopelako Udaltzaingoaren egoitzaren aurrean protesta elkarretaratzeak egin ziren, agenteen jokabidea eta jarrera "arrazista" eta "neurrigabea" izan zela  aldarrikatuz, besteak beste. Sare sozialen bitartez ere kritika gogorrak zabaldu ziren agenteen jokabidearen kontra.

Bilboko Epaitegiko sententzian frogatutako gertaerak

2017ko martxoaren 21ean, 19:30ak aldera, Sopelako Udaltzaingoko sei agentek bi auzipetuak geldiarazi zituzten, herritarren segurtasuneko eginkizunen barruan. Izan ere, agenteak Zubigane kaleko supermerkatura bertaratu ziren, ustez lapurretan ari zirela informatu zuen telefono bidezko dei bat jaso ondoren.

Agenteek etengabe eskatu arren, bi auzipetuek behin eta berriz uko egiten zuten beren burua identifikatzeari, eta poliziaren aurka egiten jarraitu zuten. Halaber, agenteei "arrazistak" eta "putakumeak" zirela oihukatzen jarraitu zuten, baita erosketa-poltsen edukia kalean botatzen hasi ere.

Jarrera horren aurrean, agenteetako batek auzipetu bati jakinarazi zion atxilotuta geratzen zela desobedientzia-delitu bat egin izana egotzita. Orduan, auzipetuak, agentearen errespetuaren kontra eta beste agenteen osotasun fisikoa kaltetzeko asmoz, lehenik eta behin eskuekin paretaren kontra bultzada hartu eta agentearen kontra salto egin zuen, atzeraka, honen sorbaldaren kontra talka eginez. Jarraian produktuz beteriko erosketa-poltsa bat bota zion aurpegira; horren aurrean, beste agente batzuk auzipetua immobilizatzen saiatu ziren horretarako beharrezkoa zen gutxieneko indarra erabiliz, eta hau borrokan hasi zen lurrera eroriz eta agenteetako bati gerrikoan zeraman arauzko armatik aparteko kargagailua kentzen saiatuz. Azkenean guztiz immobilizatu zuten.

Bitartean, bigarren auzipetua, bere lagunaren atxiloketa oztopatzeko xedez, autoritateari errespetu osoa galduz, eta agenteen osotasun fisikoa kaltetzeko asmoz, lagunari laguntzen saiatu zen. Hortaz, oposizio handia erakusten zuela ikusita, agenteek immobilizatu egin zuten.

Lehen aipatutako gertakarien ondorioz, sei agenteetatik lauk hainbat lesio izan zituzten. Agente batek ezkerreko sorbaldan bihurritu akromo-klabikularra jasan zuen. Bigarren agente batek kontusioak izan zituen ezkerreko sorbaldan eta gerrialdean. Hirugarrenak trauma osteko lunbalgia bat izan zuen, eta laugarrenak lesioak izan zituen, bere osasunerako lehen asistentzia medikoan. Agenteak 10 egun eta hilabete bitartean egon behar izan zuten bajan.

Últimas noticias de Seguridad ciudadana

article thumbnailEn vista de la evolución de la situación epidemiológica, los establecimientos hosteleros como bares, restaurantes, txokos o discotecas, no podrán permanecer abiertos más tarde de las 01.30 horas todos los días de la semana. Se trata de una de las principales medidas que se recogen en la nueva Orden que ultima el Departamento de Salud para hacer frente a la crisis sanitaria provocada por el...
article thumbnailUn vecino de Sopela de 47 años es investigado tras ser sorprendido portando herramientas que presuntamente había sustraído del interior de un edificio en construcción en la calle Akilino Arriola.  Los hechos tuvieron lugar el pasado día 28 de junio en la calle Iberre, cuando una patrulla de la Policía Local de Sopela sorprendió a un varón, al que conocen por tener numerosos antecedentes por la...
article thumbnailDos vecinos de Leioa, de 25 y 22 años de edad respeCtivamente, fueron detenidos ayer por agentes de la Policía Local de Sopela como presuntos autores de un delito contra la salud pública. Sobre las horas 19:30 del día 15 de junio, agentes de la Policía Local de Sopela que realizaban labores preventivas de seguridad ciudadana en la calle Loiola Ander Deuna, realizaron una consulta sobre la...
article thumbnail    Agentes de la Policía Local de Sopela han identificado a los dos presuntos autores de los robos en vehículos estacionados que cometieron dos días del mes de enero de este año en el municipio. Asimismo, los agentes cuentan con indicios de su participación en delitos similares cometidos en municipios de Uribe Kosta y de otras comarcas de Bizkaia. Se trata de dos varones sin techo, de 18 y 19 años de...
Más noticias: Seguridad ciudadana  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia