Usted está aquí: Inicio HACIENDA Facturación Electrónica BERRIAK Hiritarren Segurtasuna Bilboko zigor-arloko epaitegiaren sententzia irmoa Sopelako Udaltzaingoaren alde

Bilboko Zigor Arloko 3 zenbakiko Epaitegiak sententzia irmoa eman du Sopelako zenbait udaltzainek, 2017ko martxoaren 21ean, bere eginkizunetan ari zirela herriko supermerkatu batean hiru gizonek eragindako lesioen gainean.

Sopelako udaltzainak izan ziren akusazio partikular gisa aurkeztu zirenak, desobedientzia eta lesioengatik salaketa jartzeko. Fiskaltza ere akusatzaile gisa aurkeztu zen.

Bi urte eskas pasa ondoren, Auzitegiak agenteen aldeko epaia eman du. Hiru gizonetatik bi, 28 urtekoak biak, kondenatu ditu; bati 3 hilabeteko espetxealdi-zigorra ezarri dio eta besteari 6 hilabetekoa. Auzitegiak agintaritzaren agenteei erresistitzeko delituaren egile gisa kondenatu ditu; kondenak dirauen bitartean sufragio pasiborako gaitasunik gabe utzi ditu eta lesio-delitu arin biren egile gisa ere kondenatu ditu.

Kondenatuek prozesuko kostuak ordaindu beharko dituzte. Bi gizonen artean, guztira 5.601 euroko kalte-ordaina eman beharko diete gertakarian inplikatutako 6 agenteetako 4ri. Epaitegiak, agenteei erresistentzia egiteagatik salatutako 27 urteko hirugarren gizonezkoari absoluzio askea eman dio.

Gogorarazi behar da, gertaera horrek eztabaida sozial handia sortu zuela, bai komunikabideetan baita kalean izan zuen oihartzunagatik. Sopelako Udaltzaingoaren egoitzaren aurrean protesta elkarretaratzeak egin ziren, agenteen jokabidea eta jarrera "arrazista" eta "neurrigabea" izan zela  aldarrikatuz, besteak beste. Sare sozialen bitartez ere kritika gogorrak zabaldu ziren agenteen jokabidearen kontra.

Bilboko Epaitegiko sententzian frogatutako gertaerak

2017ko martxoaren 21ean, 19:30ak aldera, Sopelako Udaltzaingoko sei agentek bi auzipetuak geldiarazi zituzten, herritarren segurtasuneko eginkizunen barruan. Izan ere, agenteak Zubigane kaleko supermerkatura bertaratu ziren, ustez lapurretan ari zirela informatu zuen telefono bidezko dei bat jaso ondoren.

Agenteek etengabe eskatu arren, bi auzipetuek behin eta berriz uko egiten zuten beren burua identifikatzeari, eta poliziaren aurka egiten jarraitu zuten. Halaber, agenteei "arrazistak" eta "putakumeak" zirela oihukatzen jarraitu zuten, baita erosketa-poltsen edukia kalean botatzen hasi ere.

Jarrera horren aurrean, agenteetako batek auzipetu bati jakinarazi zion atxilotuta geratzen zela desobedientzia-delitu bat egin izana egotzita. Orduan, auzipetuak, agentearen errespetuaren kontra eta beste agenteen osotasun fisikoa kaltetzeko asmoz, lehenik eta behin eskuekin paretaren kontra bultzada hartu eta agentearen kontra salto egin zuen, atzeraka, honen sorbaldaren kontra talka eginez. Jarraian produktuz beteriko erosketa-poltsa bat bota zion aurpegira; horren aurrean, beste agente batzuk auzipetua immobilizatzen saiatu ziren horretarako beharrezkoa zen gutxieneko indarra erabiliz, eta hau borrokan hasi zen lurrera eroriz eta agenteetako bati gerrikoan zeraman arauzko armatik aparteko kargagailua kentzen saiatuz. Azkenean guztiz immobilizatu zuten.

Bitartean, bigarren auzipetua, bere lagunaren atxiloketa oztopatzeko xedez, autoritateari errespetu osoa galduz, eta agenteen osotasun fisikoa kaltetzeko asmoz, lagunari laguntzen saiatu zen. Hortaz, oposizio handia erakusten zuela ikusita, agenteek immobilizatu egin zuten.

Lehen aipatutako gertakarien ondorioz, sei agenteetatik lauk hainbat lesio izan zituzten. Agente batek ezkerreko sorbaldan bihurritu akromo-klabikularra jasan zuen. Bigarren agente batek kontusioak izan zituen ezkerreko sorbaldan eta gerrialdean. Hirugarrenak trauma osteko lunbalgia bat izan zuen, eta laugarrenak lesioak izan zituen, bere osasunerako lehen asistentzia medikoan. Agenteak 10 egun eta hilabete bitartean egon behar izan zuten bajan.

Facturación Electrónica

guia facturacion electronicaef4ktursede electronica

Últimas noticias de Hacienda

article thumbnailVEHÍCULOS 1.- Eliminación de la bonificación por vehículos de más de 25 años. (se mantiene la de vehículos históricos al 75%) 2.- Se mantiene la bonificación por familia numerosa en función de los ingresos brutos de la unidad familiar, debiéndose solicitar su concesión ANUALMENTE. 3.- Los vehículos menos contaminantes gozarán de las siguientes bonificaciones en función de sus características y no en...
article thumbnailEl 15 de marzo comenzará el plazo para el pago voluntario del Impuesto de Vehículos  y de la Tasa de Vados y finalizará el 2 de mayo. Aquellos/as vecinos/as que domicilien el pago del citado impuesto y/o de la tasa, recibirán una bonificación del 5%. 1. El plazo para domiciliar el pago finaliza el 13 de marzo, y podrán realizarlo de las siguientes formas: - A través de la página web municipal...
article thumbnailEl equipo de Gobierno del consistorio sopeloztarra conformado por EAJ-PNV y PSE-EE ha presentado durante la sesión plenaria de esta tarde, su propuesta de ajuste de las ordenanzas fiscales del 2017. Dicha propuesta tiene como principal objetivo continuar garantizando y mejorando los servicios municipales. Esta actualización de los importes de los impuestos y tasas servirá para poder seguir...
article thumbnailAnuncio aprobación definitiva ordenanza reguladora del servicio publico de control de limitacion y ordenacion del estacionamiento de vehiculos de Sopela. No habiéndose presentado reclamación alguna dentro del plazo de exposición al público del acuerdo de aprobación inicial de fecha 25 de febrero de 2016 de la Ordenanza reguladora del servicio público de control de limitación y ordenación del...
Más noticias: Hacienda  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia