Usted está aquí: Inicio Noticias BERRIAK Iraurkontasuna Mankomunitateak zenbait neurri zehatz proposatzen ditu paper eta kartoiaren gaikako bilketa hobetzeko

Mankomunitateak zenbait neurri zehatz proposatzen ditu paper eta kartoiaren gaikako bilketa hobetzeko

 

2018an, 1.334 tona paper eta kartoi jaso ziren Mankomunitateko 7 udalerrietan kokatutako 274 edukiontzietan. Hala ere, eskualdeko herrietan egindako karakterizazioen ostean, ondorioa da zarama‑edukiontzietara botatzen denaren %6-8 papera eta kartoia dela.

Paper eta kartoizko hondakinak erraz birziklatzen dira baldin eta gure etxe eta saltokietan ondo sailkatu, eta gero edukiontzi urdinera botatzen badira. Horregatik, Uribe Kostako Mankomunitateak azpimarratu nahi du oso garrantzitsua dela hondakin‑mota horiek jatorrian ondo sailkatzea, eta, horri begira, zenbait ekimen jarriko dira abian.

Ekintza horiek guztiak hondakinak prebenitzeko europar astean egingo dira, Europa osoan, azaroaren 16tik 24ra bitartean.

 Hona hemen garrantzitsuenak:

1.- BINILOAK JARTZEA

Binilo bana jarriko da papera eta kartoia birziklatzeko edukiontzietan, eta hor adieraziko da bertara zer bota daitekeen eta zer ezin daitekeen. Era berean, herritarrei gogoraraziko zaie kutxak tolestatu egin behar direla edukiontzira sartu baino lehenago. Gogorarazi behar dugu, bestalde, edukiontzi honetara ezin direla bota egurrezko kutxak, poliespanezko hondakinak, ezta plastikozko hondakinak ere.

2.- SALTOKIETARA GUTUNAK BIDALTZEA

Uribe Kostan paper eta kartoi asko sortzen duten 300 saltokitara gutun bana bidaliko da, papera eta kartoia atez ate biltzeko doako zerbitzuan izena eman dezaten.

 3.- BISITA PERTSONALIZATUA SALTOKIETARA

Paper eta kartoi asko sortzen duten saltokietara gutuna bidali ondoren, ingurumen‑hezitzaileek bisita pertsonalizatuak egingo dituzte leku horietara, eta hor azalduko zaie saltzaileei zertan datzan papera eta kartoia atez ate biltzeko doako zerbitzua.

Gainera, iman bana emango zaie, non jasota egongo baitira, batetik, zerbitzuan izena emateko doako telefono‑zenbakia; eta, bestetik, frakzio bakoitzaren gaineko azalpen txiki bat. Zerbitzu honetan alta emateko telefonoa 900 720 631 da, eta bilketa‑enpresa harremanetan jarriko da saltokiarekin bilketa‑ordua eta modua adosteko.

4.- BIRZIKLATZEARI BURUZKO INFORMAZIO‑ORRIAK, ETA EDUKIONTZIEN ONDOKO INFORMAZIO‑EMALEAK. “BIRZIKLATU ZALANTZARIK GABE”

2012ko “birziklatu zalantzarik gabe” kanpainako informazio‑orrien beste edizio bat egin da, edukia eta frakzioak eguneratuta. Argibideak emateko 15.000 triptiko editatu dira, horien bidez kendu nahi baitira jatorrian behar bezala sailkatu ondoren edukiontzi egokira botatzearen inguruko zalantzak. Irudiz osatutako triptiko bat da, bertan adierazita zer bota behar den edukiontzi bakoitzera, eta zer ez, herritarrek argi eduki dezaten nola sailkatu behar diren hondakinak.

Ingurumen‑hezitzaileek banatuko dituzte triptikook, edukiontzien ondo‑ondoan, eta lekuan bertan argituko dituzte litezkeen zalantzak.

Era berean, eskuragarri izan daitezen, web‑orrian ere eskegiko dira, PDF formatuan.

Ikastetxeetan

Triptikoen kopuru osotik, 4.000 banatuko dira Uribe Kostako ikasle guztien artean, txiki‑txikitatik ulertarazteko zein garrantzitsua den hondakinak sailkatu eta birziklatzea. Gainera, zuzeneko modua da familietara iristeko eta etxeko guztiek eginkizun honetan duten ardura helarazteko.  Eskola Agenda 21en parte hartzen duten ikastetxe guztiek “check list” erako inkesta egingo dute, eta horri esker identifikatuko da zein diren etxeetan birziklatzean egiten diren akatsak; akatsak topatu ondoren, konponbideak bilatuko dira.

Ekimen hauen guztien helburua da gero eta hondakin gehiago sailkatuta jasotzea gure eskualdean, ondoren birziklatu ahal daitezen.

Argibide gehiago nahi izatekotan, deitu EKOGUNEren telefonora: 94 657 92 80.

 

 

Últimas noticias de Acción social e igualdad

article thumbnail“DIA INTERNACIONAL CONTRA LA VIOLENCIA HACIA LAS MUJERES”, hacemos un llamamiento a toda la ciudadanía para el: ACTO - CONCENTRACIÓN que se celebrará en la plaza del Ayuntamiento el lunes 25 de noviembre a partir de las 19:30 h., con el siguiente PROGRAMA:  Proyección en la fachada del ayuntamiento de un espectáculo de luz y música alegórico a la situación de violencia que soportan las mujeres de...
article thumbnailEl Consejo de Mujeres de Uribe Kosta, Andra Barriak, tiene el honor de invitar a la población a la presentación del XI Encuentro de Mujeres de Uribe Kosta, enmarcado en el Foro para la Igualdad 2019 ‘Seré quien yo decida’ impulsado por Emakunde, que tendrá lugar el sábado, 23 de noviembre de 2019, en la Casa de las Mujeres de Inola (en Urduliz), a partir de las 10.00 horas, bajo el lema:...
article thumbnail  Enmarcado en el Foro para la Igualdad 2019 de Emakunde, la Mancomunidad de Uribe Kosta ha organizado la jornada “Deporte femenino: situación actual y retos”. La iniciativa se celebrará en la Casa de cultura de Urduliz el próximo 10 de octubre, entre las 16:00 h y 20:30 h y la entrada será libre. PROGRAMA: 16:00/16:15: Presentación: Presidenta de la mancomunidad y alcalde de Urduliz. ...
article thumbnailLa Mancomunidad de Uribe Kosta ha organizado “AUkera On”, un mercado de segunda mano que tendrá lugar 8 de junio en Urduliz. Los 38 puestos que componen este mercado atenderán al público desde las once de la mañana hasta las tres del mediodía. Aquí podrás encontrar todo tipo de objetos de segunda mano que te podrán venir bien en tu día a día. Lo que se pretende con este mercado, es fomentar la...
Más noticias: Acción Social e Igualdad  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia